جاس شاحماتشىنىڭ ايتۋىنشا, تۋرنير وتە قىزىق فورماتتا وتكەن.
ەرەجە قاراپايىم: نوكاۋت جۇيە بويىنشا تۋرنير, 2 بليتس ويىن, 1-1 ەسەبىندە ارماگەددون وينالادى, ياعني قاتەلىككە جول جوق.
بۇل جارىسقا الەمنىڭ ەڭ مىقتى 8 شاحماتشىسى قاتىسىپ جاتىر.
«مەن بارلىق ماتچتاردى جەڭە الدىم, تەك ءبىر ارماگەددون وينادىم جانە بۇكىل تۋرنيردە ءبىر ويىندا عانا جەڭىلدىم. ءبىرىنشى كەزدەسۋدە گرۋزيانىڭ ەڭ مىقتى شاحماتشىسىن, 2017 جىلعى بليتس بويىنشا الەم چەمپيونى ن.دزاگنيدزەنى 2-0 ەسەبىمەن ۇتتىم», دەيدى ب.اساۋباەۆا.
ەكىنشى اينالىمدا شاحماتشى 2022 جىلى بليتس بويىنشا الەم چەمپيوناتىنىڭ كۇمىس جۇلدەگەرى جانە سوڭعى 20 جىلداعى الەمدەگى ەڭ مىقتى شاحماتشىلاردىڭ ءبىرى ح.كونەرۋدى جەڭدى.
ول جارتىلاي فينالدا گ.مامەدزادانى 1.5-0.5 ەسەبىمەن جەڭىپ, فينالعا جانە قىركۇيەكتە وتەتىن Grand Final-عا جولداما الدى.
اقتىق سايىستا ءبيبىسارا ح.كونەرانى نەگىزگى ۋاقىتتا 1.5-0.5 ەسەبىمەن تاعى دا ۇتتى.
«دەمالۋعا ۋاقىت جوق, بۇرسىگۇنى كيپردە ايەلدەر اراسىندا گران-پري كەزەڭى باستالادى», دەپ جازدى ءبيبىسارا.
