ەرجەسىز جەكپە-جەك شەبەرى وزىنە قويىلعان سۇراقتارعا قازاقشا جاۋاپ بەردى. ول ستيۆەن باتلەر ەكەۋىنىڭ اراسىنداعى جەكپە-جەك ەڭ جەڭىل جەكپە-جەك بولاتىنىن ايتتى.
«مەن ونى بوكسشى رەتىندە سىيلايمىن. دەگەنمەن نوكاۋت تۇرماق, ماعان سوققى تيگىزۋ قيىن بولادى وعان», دەدى ول.
ارتىنشا جانىبەك ءالىمحان ۇلى الەۋمەتتىك جەلى پاراقشاسىندا جازبا قالدىردى.
«مەندە ءبارى قازاقشا. مەنىڭ ءتىلىمدى, مەنىڭ ءۇنىمدى الەم ەستىسىن! مەن ەلى ءۇشىن جانىن بەرگەن باتىرلاردىڭ, ۇلتىنىڭ ەرتەڭىنە الاڭداعان الاشتىقتاردىڭ ۇرپاعىمىن. اللاعا شۇكىر!
مەن الەم الدىندا قازاقشا سويلەۋدەن ەشقاشان قىسىلمايمىن. مەنىڭ قانىمدا مەن ۇيالاتىن نارسە جوق! مەن قىسىلىپ, قورقىپ, جالتاقتاپ جۇرەتىن قۇلدىق سانادا ەمەسپىن! سەبەبى مەن قازاقپىن, مەنىڭ ءومىر ءستيلىم QAZAQ STYLE!
جەڭىستى كۇندە جۇزدەسەيىك, قازاق ەلى!», دەپ جازدى WBO بويىنشا الەم چەمپيونى.
