ورتالىقتىڭ اشىلۋ سالتاناتىندا اقپارات جانە قوعامدىق دامۋ ءمينيسترى دارحان قۋاندىق ۇلى قىدىرالى مۇنداي ورتالىقتاردىڭ جاستار ءۇشىن اسا ماڭىزدى ەكەنىن ايتتى.
«بۇل ءبىزدىڭ العاشقى جوبامىز جانە ول جەتىسۋ جەرىنەن باستاۋ الىپ جاتىر. پرەزيدەنت جاستارعا ۇلكەن ءمان بەرىپ, قامقورلىق جاساپ كەلەدى. تاياۋدا مەملەكەت باسشىسى جاستار ساياساتى تۋرالى زاڭعا قول قويدى. ول بويىنشا جاستار ساناتى 35-كە دەيىن ۇلعايتىلعانىن بىلەسىزدەر. جاستار ساياساتى تۋرالى تۇجىرىمداما قابىلداندى. جالپى, جاستارعا ارنالعان «Jas project» جانە «تاۋەلسىزدىك ۇرپاقتارى» سەكىلدى جوبالار ۇلانداردىڭ دامۋىنا ەرەكشە سەرپىن بەرەدى, دەدى اقپارات جانە قوعامدىق ءمينيسترى.
جاستار ساياساتى تۋرالى تۇجىرىمداماعا ساي, تسيفرلىق ساۋاتتىلىق بويىنشا وڭىرلەردەگى 1,5 ملن جاستى وقىتۋ جوسپارلانىپ وتىر.
جاستار ورتالىعى جانىنداعى «Jetisu IT-Hub» تا وسى مەجەنى ورىنداۋعا قاجەت. حابتا جاستار ءوز ستارتاپتارىن جاساپ, كاسىپكەرلىك جوبالارىن باستايدى.
بۇدان بولەك, Sumsung كومپانياسىنىڭ قولداۋىمەن «Sumsung Innovation Campus» كابينەتى اشىلعان. كامپۋستا 15 جاس ازامات ءبىلىم الىپ جاتىر. قازىرگى جاستار تەندەنتسياسىنا سايكەس no code باعدارلاماسى ارقىلى جوبا جاساۋدا.
مينيستر جاستارعا ساتتىلىك تىلەپ, ورتالىق پەن IT-hub جاڭا تالانتتارعا جول اشادى دەگەن سەنىم ءبىلدىردى.
