سونىمەن قاتار شارۋالاردىڭ جوعارى سۇرانىسىن ەسكەرە وتىرىپ, فورۆاردتىق ساتىپ الۋ باعدارلاماسى جالعاسىن تاپتى. جالپى, «ازىق-ت ۇلىك كەلىسىم شارت كورپوراتسياسى» اق ۇك بيىلعى جىلى اۋىل شارۋاشىلىعى ونىمدەرىن فورۆاردتىق ساتىپ الۋعا جانە تاۋارلىق كرەديتتەر بەرۋگە كەمىندە 70 ملرد تەڭگە باعىتتايتىن بولادى. بۇل باعىتتار ەگىس ناۋقانى كەزەڭىندە اۋىل شارۋاشىلىعى تاۋارىن وندىرۋشىلەردى قولداۋدىڭ پارمەندى قۇرالدارى بولىپ ەسەپتەلەدى.
بۇگىندە «ازىق-ت ۇلىك كەلىسىم شارت كورپوراتسياسى» فورۆاردتىق ساتىپ الۋ باعدارلاماسى بويىنشا 21,2 ملرد تەڭگە ءبولدى جانە جالپى سوماسى 20,3 ملرد تەڭگەگە شارۋالاردىڭ ءوتىنىمى قارجىلاندىرىلدى. قاراجات اكك-دەن قايتارۋعا ءتيىستى كەپىلدىكتەر بەرگەن فەرمەرلىك شارۋاشىلىقتاردىڭ شوتتارىنا اۋدارىلدى. وسىلايشا, قازىرگى ۋاقىتتا 280,1 مىڭ توننا اۋىل شارۋاشىلىعى ونىمىنە كەلىسىمشارت جاسالدى. ونىڭ كوپ بولىگى بيداي, ارپا جانە كۇنباعىسقا تيەسىلى.
ازىق-ت ۇلىك كورپوراتسياسى بيىل بيداي, ارپا, س ۇلى, قاراقۇمىق, كۇنباعىس, مايلى زىعىر, راپس جانە سويادان بولەك, العاش رەت قىزىلوردا وبلىسىنىڭ اۋىل شارۋاشىلىعى تاۋارىن وندىرۋشىلەرىنەن 1,2 ملرد تەڭگەگە 6 مىڭ توننا كولەمىندە كۇرىش جارماسىن فورۆاردتىق ساتىپ الدى. فورۆاردتىق ساتىپ الۋمەن قاتار, بيداي مەن ارپانىڭ ماقساتتى تاۋارلىق نەسيەسى اۋىل شارۋاشىلىعى تاۋارىن وندىرۋشىلەردى قولداۋدا سۇرانىسقا يە بولعان قاجەتتى قۇرالدىڭ ءبىرى بولدى.
قازىرگى ۋاقىتتا 72 اۋىل شارۋاشىلىعى تاۋارىن وندىرۋشىدەن 566 مىڭ توننا كولەمىندە تاۋارلىق كرەديت بەرۋگە 83 ءوتىنىم كەلىپ تۇسكەن. ونىڭ ىشىندە 500 مىڭ توننادان استام استىققا وتىنىمدەر ماقۇلدانىپتى. قالعاندارى قارالىپ, وبلىستاردىڭ ۇيلەستىرۋ كەڭەستەرىنە بەكىتۋگە جىبەرىلگەن.
اكك-ءنىڭ كەپىلدىكتەرى نەگىزىندە 293 مىڭ توننا كولەمىندە تاۋارلىق كرەديتتەر بەرىلدى. قالعان جاسالعان شارتتار بويىنشا ءتيىستى كەپىلدىكتەر بەرىلەدى دەپ كۇتىلىپ وتىر.
تاۋارلىق كرەديت بەرۋگە وتىنىمدەردى ماقۇلداۋ كورسەتكىشى شامامەن 97 پايىزدى قۇرايدى. اۋىل شارۋاشىلىعى مينيسترلىگىنىڭ حابارلاۋىنشا, وتىنىمدەردىڭ قابىلدانباۋى الەۋەتتى كونتراگەنتتەردىڭ قاناعاتتانارلىقسىز قارجىلىق جاعدايىنا بايلانىستى بولدى.
«تاۋارلىق نەسيە بەرۋ مەحانيزمى فەرمەرلەرگە ءوز اقشالارىن سالماي-اق, «ازىق-ت ۇلىك كەلىسىمشارت كورپوراتسياسىنىڭ» استىعىن وزدەرىنىڭ وندىرىستىك جوسپارلارىن جۇزەگە اسىرۋ ءۇشىن پايدالانۋعا مۇمكىندىك بەرەدى. شارتتار بويىنشا مىندەتتەمەلەردى ورىنداۋ مەرزىمى 2023 جىلعى 1 قاراشاعا دەيىن دەپ بەكىتىلدى. ازىق-ت ۇلىك كورپوراتسياسى كۇزگى كەزەڭدە استىقتىڭ جەتكىزىلۋىنە قاراي ونىڭ رەزەرۆتىك قورىن جاڭارتۋدى قامتاماسىز ەتەدى, ەلدىڭ مال وسىرۋشىلەرى مەن قۇس وسىرۋشىلەرى ءۇشىن جەم-ءشوپ قورىن قالىپتاستىرىپ, ۇن تارتۋ جانە باسقا دا وڭدەۋ كاسىپورىندارى ءۇشىن استىق رەزەرۆىن قۇرادى. وسى رەتتە ماۋسىمارالىق كەزەڭدە ساتىپ الىنعان كولەمدەر بەلگىلەنگەن باعا بويىنشا ساتىلاتىن بولادى, بۇل دايىن ءونىمنىڭ باعاسىن جىل ىشىندە تۇراقتاندىرۋعا مۇمكىندىك بەرەدى», دەلىنەدى ۆەدومستۆو حابارلاماسىندا.
