كوللاجدى جاساعان امانگەلدى قياس, «EQ»
قوسىمشا اۋىل شارۋاشىلىعى جانۋارلارىنىڭ بازاسىن كەڭەيتۋگە كومەكتەسەدى, ول ءاربىر مال يەسىنە (شق, جشس, جقش ت.ب.) ءوز مالىن تۇگەندەۋگە كومەكتەسەدى. قوسىمشانىڭ ارقاسىندا ۆەتەرينارلىق دارىگەرلەر ۆەتەرينارلىق-پروفيلاكتيكالىق ءىس-شارالاردى ۋاقتىلى جانە تولىق كولەمدە جۇرگىزۋگە دە مۇمكىندىك الادى.
قوسىمشا سمارتفوندا ونلاين رەجىمدە جۇمىس ىستەيدى. ينتەرنەت بولماعان جاعدايدا, باعدارلاما جەلىگە قوسىلعاننان كەيىن دەرەكتەر جاڭارتىلادى. باعدارلاما ارقىلى ۆەتەرينارلىق تولقۇجات الۋعا بولادى جانە بولاشاقتا مالدى ساتىپ الۋ-ساتۋ, جوعالتقان تاڭبانى اۋىستىرۋ, سونداي-اق سويعاننان كەيىن جانۋاردى ەسەپتەن شىعارۋ راسىمدەرىن جاساۋعا مۇمكىندىك بار.
«TortTulik» اۋىل تۇرعىندارى ءۇشىن اقپاراتتىق حابقا اينالادى. ءموبيلدى قوسىمشادا سالانىڭ سوڭعى جاڭالىقتارىن تاراتۋ مۇمكىندىكتەرى, الداعى ۆاكتسيناتسيا تۋرالى حابارلامالار بار. قوسىمشا جاڭارتىلعان سايىن ەت ساتىپ الۋشىلارعا ارنالعان ءبولىم ەنگىزىلەتىن بولادى. ەل تۇرعىندارى «sogym.kz» قوسىمشا بەتىندە تىكەلەي اۋىل شارۋاشىلىعى تاۋارىن وندىرۋشىدەن جانۋاردىڭ ۆەتەرينارلىق باقىلاۋىنان وتكەن تۇتاس ەتىنە تاپسىرىس بەرە الادى», دەلىنگەن مينيسترلىك حابارلاماسىندا.
ازىرگە «TortTulik» قوسىمشاسىن Playmarket-تەن جۇكتەۋگە بولادى. ازىرلەۋشىلەر قوسىمشانىڭ كەيىن iOS-تاعى سمارتفوندارعا بەيىمدەلەتىنىن ايتادى. ايتا كەتەيىك, بۇكىل ەل بويىنشا 1,5 ملن مال يەسى ءموبيلدى قوسىمشانىڭ الەۋەتتى پايدالانۋشىلارى بولادى دەپ كۇتىلىپ وتىر.
