ناۋرىزباي اۋدانى تۇرعىندارىنىڭ ءبىرى قالا اكىمىنەن اباي داڭعىلىن ۇزارتۋ ءۇشىن قالعان ساياجايلار قاشان سۇرىلەتىنىن سۇرادى.
ەربولات دوساەۆ 63 جەر تەلىمىن ساتىپ الۋ قاجەتتىگىن, ونىڭ 53-ءى قازىردىڭ وزىندە مەملەكەت مەنشىگىندە ەكەنىن تۇرعىندارعا جەتكىزدى.
قالعان 10 جەر تەلىمىنىڭ ەكەۋى مۇراگەرلىك قۇقىققا بايلانىستى تۇزەتىلىپ جاتسا, ءتورت جوبا سوتقا وتكەن.
ونىڭ ايتۋىنشا, اتالعان ماسەلەلەر مامىر ايىنىڭ سوڭىنا دەيىن شەشىلۋى ءتيىس.
«باعالاۋ ەسكىرگەن, ءبىز ونى جاڭارتۋعا ءماجبۇرمىز. ويتكەنى تولەم جاساۋ كەزىندە جاڭادان باعالاۋ كەرەك. ساتىپ الۋ جونىندە سۇراقتار جينالىپ قالدى. جەر قاتىناستارى باسقارماسىنا مۇنى مامىر ايىنىڭ سوڭىنا دەيىن رەتتەۋدى تاپسىردىم. ءبىز بۇل جۇمىستى بىلتىر جاساۋىمىز كەرەك ەدى, اقشا بولدى. كەلىسىمشارت جاساسىپ, ساتىپ العاننان كەيىن جۇمىسقا كىرىسەمىز», دەپ ءتۇسىندىردى ەربولات دوساەۆ.
