اقىلبەك كۇرىشباەۆتىڭ ەسىمى مەن ەڭبەگى عىلىمي قاۋىمداستىققا كەڭىنەن تانىس. اسىرەسە, ەلىمىزدىڭ اگرارلىق عىلىمىن دامىتۋعا سىڭىرگەن ەڭبەگى وراسان. ول باسقا قىزمەتتەرىن ايتپاعاننىڭ وزىندە ا.ي.باراەۆ اتىنداعى استىق شارۋاشىلىعى عىلىمي-زەرتتەۋ ينستيتۋتىن باسقارعان جىلدارى وتاندىق اگروعىلىمنىڭ العا باسۋىنا سەپتىگىن تيگىزدى. اۋىل شارۋاشىلىعى ءمينيسترى بولىپ تۇرعاندا دا اگروعىلىمعا ەرەكشە نازار اۋدارعانى كوپشىلىكتىڭ ەسىندە.
«اۋىل شارۋاشىلىعى عىلىمنىڭ دوكتورى, پروفەسسور, اكادەميك اقىلبەك كۇرىشباەۆ «اگروبيولوگيا جانە ەكولوگيا بولىمشەسىنىڭ جەتەكشىسى رەتىندە جالپى اگرارلىق عىلىمدى, اۋىل شارۋاشىلىعى, مال شارۋاشىلىعى, ەگىن جانە كوكونىس ءوسىرۋ, سۋ رەسۋرستارىن باسقارۋ, ەكولوگيا, تابيعاتتى قورعاۋ سالالارىنىڭ قىزمەتىن ۇيلەستىرەدى», دەپ حابارلادى ۋنيۆەرسيتەتتىڭ ءباسپاسوز قىزمەتى.
وتاندىق عىلىم مەن ءبىلىم سالاسىنىڭ كورنەكتى وكىلى, ءىرى عالىم اقىلبەك كۇرىشباەۆ جاڭا مارتەبەگە يە بولعان ۇلتتىق عىلىم اكادەمياسىنىڭ جۇمىسىن ودان ءارى جانداندىرا تۇسەدى دەگەن سەنىم زور.
