«قۇرمەتتى دوستار! بارشاڭىزدى جەڭىس كۇنىمەن شىن جۇرەكتەن قۇتتىقتايمىن!
بۇل مەيرام – اسقاق رۋح پەن ەرەن ەرلىكتىڭ سيمۆولى. باتىر بابالارىمىزدىڭ داڭقتى جولى قاشاندا ەلدىڭ ايبىنىن اسىرىپ, ۇرپاققا ۇران بولىپ قالا بەرەدى. ءبىز مايدان دالاسىندا جانقيارلىق تانىتقان اتالارىمىز بەن اكەلەرىمىزدىڭ قايسارلىعىن ەشقاشان ۇمىتپايمىز.
جەڭىس كۇنىنە وراي كەشە مەملەكەت باسشىسى قاسىم-جومارت كەمەل ۇلى توقاەۆ «وتان انا» مونۋمەنتىنە گۇل شوقتارىن قويىپ, سوعىستا قازا تاپقان قازاقستاندىق جاۋىنگەرلەردىڭ رۋحىنا تاعزىم ەتتى.
بۇگىن قازاقتىڭ قاھارمان ۇلى, ەكى دۇركىن كەڭەس وداعىنىڭ باتىرى, ايگىلى ۇشقىش-شابۋىلداۋشى تالعات بيگەلدينوۆتىڭ ەسكەرتكىشىنە ارنايى باردىم. ۇشقىر ۇشاقتى ەركىن تىزگىندەپ, ۇرىس كەزىندە ۇلكەن ەرلىك كورسەتكەن باتىردىڭ ەسىمىن ۇلىقتاۋ, ونىڭ عيبراتتى عۇمىرىن جاس بۋىنعا كەڭىنەن دارىپتەۋ ايرىقشا ماڭىزعا يە. مۇنداي قادام بەيبىت كۇننىڭ قادىرىن ارتتىرىپ, قاسيەتىن ۇعىندىرا تۇسەدى دەپ سەنەمىز.
وسىناۋ مەرەكەمەن قۇتتىقتاي وتىرىپ, بارشاڭىزعا زور دەنساۋلىق, اماندىق جانە ەلىمىزگە اشىق اسپان تىلەيمىن! جەڭىس كۇنى قۇتتى بولسىن!», دەلىنگەن قۇتتىقتاۋدا.
