«قۇرمەتتى قازاقستاندىقتار! سىزدەردى ۇلى جەڭىس كۇنىمەن شىن جۇرەكتەن قۇتتىقتايمىن! بۇل – ءبىز ءۇشىن اسا ماڭىزدى ءارى ايتۋلى كۇن. جەر بەتىنە بەيبىت ءومىر سىيلاعان قاستەرلى كۇننىڭ جىل سايىن تاريح قويناۋىنا تەرەڭدەپ بارا جاتقانىنا قاراماستان, سول سۇراپىل سوعىستاعى جەڭىستىڭ تاريحي ماڭىزىن ءبىز ەشقاشان ۇمىتپايمىز.
وكىنىشكە قاراي, قان مايداندا كوزسىز قاھارماندىقتىڭ ۇلگىسىن كورسەتكەن اعا بۋىن ارداگەرلەرىمىزدىڭ قاتارى سيرەپ بارادى. ولاردىڭ جانقيارلىق ەرلىكتەرىن مەرەكە كۇندەرى عانا ەمەس, ۇدايى ەل جادىندا ۇستاعان ابزال. وسكەلەڭ ۇرپاق وتكەننەن تاعىلىم الۋعا ءتيىس. ال مەملەكەت ارداگەرلەردى قولداۋ ءۇشىن قولدان كەلگەننىڭ ءبارىن جاساماق.
ءار كەزەڭنىڭ ءوز ساباعى بار, الايدا كەيىنگى ۇرپاق قايعى مەن قاسىرەتتىڭ نە ەكەنىن بىلمەسىن. سوعىس ارداگەرلەرى مەن تىل ەڭبەككەرلەرىنىڭ ەرلىكتەرىنە تاعزىم ەتەمىن!ەلىمىز ءارى قاراي وركەندەي بەرسىن, ءار وتباسىعا بەيبىت ءومىر جانە اماندىق تىلەيمىن!», دەلىنگەن قۇتتىقتاۋدا.
