ەكىنشى دۇنيەجۇزىلىك سوعىس جانە ەڭبەك ارداگەرى يۆان گاپيچ 1923 جىلى 2 اقپاندا اقمولا قالاسىندا دۇنيەگە كەلگەن. پولشا, چەحوسلوۆاكيا, ۋكراينانى ازات ەتۋگە قاتىستى. بۇكىل سوعىستى باستان وتكىزگەن مايدانگەر فاشيستەردىڭ گارنيزوندارى مەن كومەنداتۋرالارىن تالقانداعان, وق-ءدارى جانە ازىق-ت ۇلىك قويمالارىن جويعان وتريادتىڭ جاۋىنگەرلىك وپەراتسيالارىنا قاتىسقان.
ارداگەر «قىزىل جۇلدىز» جانە ءىىى دارەجەلى «داڭق» وردەندەرىمەن, «ەرلىگى ءۇشىن», «جاۋىنگەرلىك ەڭبەگى ءۇشىن», «كەنيگسبەرگتى العانى ءۇشىن», «گەرمانيانى جەڭگەنى ءۇشىن» مەدالدارىمەن, «پروكۋراتۋرانىڭ قۇرمەتتى قىزمەتكەرى» توسبەلگىسىمەن, ءى, ءىى, ءىىى دارەجەلى «ەرەن ەڭبەگى ءۇشىن» مەدالدارىمەن, «قۇرمەت» وردەنىمەن, ءىى دارەجەلى «داڭق» وردەنىمەن ماراپاتتالعان. ول سونداي-اق باتىس قازاقستان وبلىسىنىڭ قۇرمەتتى ازاماتى. 1945 جىلى 24 ماۋسىمدا قىزىل الاڭدا وتكەن جەڭىس پارادىنىڭ قاتىسۋشىسى.
جەڭىستى جاقىنداتقان مايدانگەر سۇراپىل سوعىستىڭ وتتى جىلدارىنان ءوتتى. كەنيگسبەرگتى ازات ەتۋگە اتسالىستى. ول پولشانى, چەحوسلوۆاكيانى, ۋكراينانى ازات ەتۋگە قاتىستى. مايدانگەر فاشيستەردىڭ گارنيزوندارى مەن كومەنداتۋرالارىن تالقانداعان, وق-ءدارى جانە ازىق-ت ۇلىك قويمالارىن جويعان جاساقتىڭ جاۋىنگەرلىك وپەراتسيالارىنا قاتىستى. وسىدان 78 جىل بۇرىن ماسكەۋدەگى اسكەري شەرۋگە قاتىسىپ, جەڭىستى بەرليندە قارسى الدى. سوعىستان كەيىن ول الماتى زاڭ ۋنيۆەرسيتەتىن ءتامامداپ, قاراعاندىدا پروكۋراتۋرا ورگانىندا ەڭبەك جولىن باستادى.
عاسىردان اسقان قاريا 1966 جىلى باتىس قازاقستان وبلىسىنىڭ پروكۋرورى سماعۇلوۆتىڭ شاقىرۋىمەن وسى وڭىرگە كەلەدى. سودان 1987 جىلعا دەيىن ورال, كەيىن باتىس قازاقستان وبلىسى پروكۋرورىنىڭ ءبىرىنشى ورىنباسارى بولىپ ىستەپ, كەيىن قۇرمەتتى زەينەتكە شىعادى. پروكۋراتۋرا ورگانىندا اتتاي 35 جىل ەڭبەك ەتكەن يۆان گاپيچكە وسى جىلداردا اسا قيىن دا كۇردەلى ىستەردىڭ اق-قاراسىن ايىرۋعا تۋرا كەلدى.
بۇگىندە جاستارمەن كەزدەسىپ, وتان الدىنداعى بورىشى تۋرالى ايتۋدان شارشاماي كەلە جاتقان ارداگەر «عاسىر جاسايمىن دەپ ەش ويلاماعان ەدىم» دەيدى. ايتا كەتەيىك, مايدانگەردىڭ ءجۇز جىلدىق مەرەيتويى قارساڭىندا «يۆان گاپيچ. نامىس پەن پارىزدىڭ ادامى» اتتى كىتاپ جارىق كورگەن بولاتىن.
