وفيتسەرلەردىڭ باستاماسىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ اسكەري كافەدراسى, قارۋلى كۇشتەردىڭ ارداگەرلەرى, «اۋعان سوعىسى جانە جەرگىلىكتى قاقتىعىستار ارداگەرلەرى وداعى» قوعامدىق بىرلەستىگىنىڭ مۇشەلەرى قولداپ, ءىس-شاراعا بەلسەندى قاتىستى.
تاربيە جانە يدەولوگيالىق جۇمىستار دەپارتامەنتىنىڭ باستىعى, ادىلەت پولكوۆنيگى تىلەۋحان باسقوجاەۆ ەكىنشى دۇنيەجۇزىلىك سوعىستىڭ ارداگەرى رايسا سافونيچەۆانى جانە الەۋمەتتىك مەكەمەنىڭ تۇرعىندارىن جەڭىس كۇنىمەن قۇتتىقتاپ, بەيبىت ءومىر تىلەدى. ء«بىز ءۇشىن ءسىزدىڭ ۇرپاق – باتىلدىق پەن تاڭعاجايىپ ومىرشەڭدىكتىڭ ۇلگىسى. ەل باسىنا كۇن تۋعان قيىن ۋاقىتتا جەڭىس ءۇشىن ءبارى تىلداعى ەڭبەككە جەگىلدى. ءبىز بۇل قاھارماندىقتى بالالارىمىز بەن نەمەرەلەرىمىزگە ۇنەمى ايتىپ وتىرامىز», دەدى ول.
الداعى شىلدەدە رايسا سافونيچەۆا 98 جاسقا تولادى. 1943 جىلى مينسكىدە قىسقامەرزىمدى بايلانىس كۋرسىن اياقتاعاننان كەيىن ول 2-ۋكراينا مايدانىنا جىبەرىلەدى. كيەۆتەن بۋداپەشتكە دەيىنگى مايدان جولدارىن ءجۇرىپ ءوتىپ, جەڭىس كۇنىن قارسى الدى. ارداگەر وسى ەڭبەگى ءۇشىن II دارەجەلى «وتان سوعىسى» وردەنىمەن, «ۋكراينانى ازات ەتكەنى ءۇشىن», «گەرمانيانى جەڭگەنى ءۇشىن» مەدالدارىمەن جانە باسقا دا ناگرادالارمەن ماراپاتتالعان.
ءىس-شارادا دالا اسحاناسى ۇيىمداستىرىلىپ, ارميالىق شاتىرلار ورناتىلدى. اكتسياعا قاتىسۋشىلار ءداستۇرلى سارباز بوتقاسىنان ءدام تاتتى.
بۇگىندە «شاراپات» ورتالىعىندا 329 ادام تۇرادى. ولاردىڭ اراسىندا «1941-1945 جىلدارداعى ۇلى وتان سوعىسىنداعى ەرەن ەڭبەگى ءۇشىن» مەدالىمەن ماراپاتتالعان تىل ەڭبەككەرلەرى, ەڭبەك ارداگەرلەرى بار.
قارۋلى كۇشتەر ۇلتتىق اسكەري-پاتريوتتىق ورتالىعىنىڭ شىعارماشىلىق ۇجىمى مەكەمە قوناقتارى مەن قىزمەتكەرلەرىنە سوعىس جىلدارىنداعى اندەردى شىرقاپ بەردى. قاريالار دا قۇرمەت كورسەتكەن اسكەري قىزمەتشىلەرگە العىستارىن جاۋدىردى.
