«جىگىتپىن ناعاشىدان باعى جانعان» دەپ ءوزى جىرلاعانداي, تايجان قالماعامبەت ۇلى – اتاقتى كومپوزيتور ۇكىلى ىبىرايدىڭ تۋعان جيەنى. ول – سىر بويىنىڭ ساڭلاعى نارتاي بەكەجانوۆتىڭ ۇستازى.
تايجان 1936 جىلعى ماسكەۋدە وتكەن قازاقستان مادەنيەتى مەن ونەرىنىڭ ونكۇندىگىن اشۋ قۇرمەتىنە بولەنگەن. سونىمەن قاتار جاپپاي قۋعىن-سۇرگىن قۇربانىنا اينالىپ, «حالىق جاۋى» رەتىندە اتىلىپ كەتكەن تاۋقىمەتتى تاعدىر يەسى. ونىڭ شىعارماشىلىعى, ءان مۇراسى بەرتىنگە دەيىن حالىقتان جاسىرىن ۇستالدى.
ءبىر-بىرىمەن ۇشتاسىپ جاتقان انشىلىك مەكتەپتەردىڭ ساباقتاستىعىن, ۇندەستىگىن ناسيحاتتاۋ ماقساتىندا ەلىمىزدىڭ ءار شالعايىنان كەلىپ, باق سىناعان 28 ونەرپاز تايجان اندەرىمەن قوسا ۇكىلى ىبىرايدىڭ, نارتاي بەكەجانوۆتىڭ اندەرىن دە ورىندادى.
بايقاۋعا قاتيموللا بەردىعاليەۆ, الماس الماتوۆ, عالىم مۇحامەدين, جاقسىكەلدى كەمالوۆ, امانكەلدى كۇزەۋباەۆ, دارىگۇل ەلامانوۆا سىندا ۇلتتىق ونەردىڭ مايتالماندارى قازىلىق ەتتى.
بابى كەلىپ, باعى جانعان بەكسۇلتان باراقبايدىڭ ونەرى باس جۇلدەگە لايىق دەپ تابىلدى. ساتباەۆ قالاسىنىڭ اكىمى ش.اۋباكىر وعان 1 ملن تەڭگەنىڭ سەرتيفيكاتىن تاپسىردى. تولقىناي مۇحامبەتجان – ءبىرىنشى, جاندوس سىزدىقوۆ – ەكىنشى, نۇرتىلەك اقتاەۆ ءۇشىنشى ورىن يەلەنسە, نۇربولات ۇزاقبايعا ۇلىتاۋ وبلىستىق ت.قالماعامبەتوۆ اتىنداعى فيلارمونيانىڭ ارنايى جۇلدەسى بەرىلدى.
تايجان اقىن ۇرپاقتارى تاعايىنداعان ارنايى جۇلدەلەر الماگۇل قاراتاەۆاعا, بەكارىس كوشتاەۆقا,تاڭات مۇقىشەۆقا بۇيىردى.
ۇلىتاۋ وبلىسى,
ساتباەۆ قالاسى
