قازاقستان تاۋەلسىزدىك العان جىلدان باستاپ ەل كۇنتىزبەسىندە جاڭا مەملەكەتتىك مەرەكەلەر پايدا بولدى. سولاردىڭ ءبىرى ەل اۋماعى مەن ونىڭ تۇرعىندارىنىڭ قاۋىپسىزدىگىن قامتاماسىز ەتەتىن اسكەري كۇشتەردىڭ – وتان قورعاۋشىلاردىڭ كاسىبي مەرەكەسى.
وتان قورعاۋشىلار كۇنى - «قازاقستان رەسپۋبليكاسىنىڭ مەرەكەلەر تۋرالى»زاڭىندا كورسەتىلگەن توعىز رەسمي مەرەكەنىڭ قاتارىنا كىرەتىن مەملەكەتتىك مەرەكە.
بۇل كۇنى 1992 جىلى قازاقستان پرەزيدەنتى «قازاقستان رەسپۋبليكاسىنىڭ قارۋلى كۇشتەرىن قۇرۋ تۋرالى» جارلىققا قول قويدى. بۇگىندە قر وتان قورعاۋشىلار كۇنى - مەملەكەتتىك مەرەكە جانە كۇنتىزبەدە رەسمي تۇردە دەمالىس كۇنى رەتىندە بەلگىلەنگەن. سونداي-اق مەرەكەنىڭ رەسمي مارتەبەسى قازاقستان رەسپۋبليكاسىنىڭ ءتيىستى زاڭىندا بەكىتىلگەن.
قازاقستاندىق اسكەري قىزمەتشىلەرگە قاتىستى بىرەر كۇن بۇرىن بەلگىلى بولعان جاعىمدى جاڭالىق, كەلەر جىلدان باستاپ اسكەري اتاق ءۇشىن تولەنەتىن جالاقى 30 پايىز وسەدى.
سونداي-اق, جىل سايىنعى داستۇرگە ساي مەملەكەت باسشىسى بيىل دا بىرقاتار اسكەري قىزمەتشىنى ماراپاتتادى.
ايتا كەتسەك, قورعانىس مينيسترلىگى 7 مامىر وتان قورعاۋشىلار كۇنى جانە 9 مامىر جەڭىس كۇنىنە وراي اسكەري شەرۋدىڭ وتپەيتىنىن حابارلاعان ەدى. وعان سەبەپ – بيۋدجەت قاراجاتىن ۇنەمدەۋ. دەگەنمەن, ۆەدومستۆودان اتالعان مەيرامعا وراي, اسكەري-پاتريوتتىق ءىس-شارالاردىڭ جوسپارلانعانى ءمالىم ەتىلدى.
ەسكە سالايىق, 5 مامىردا مەملەكەت باسشىسى قاسىم-جومارت توقاەۆتىڭ قاتىسۋىمەن بۇكىلارميالىق كەڭەستىڭ وتىرىسى ءوتتى.
