پرەزيدەنتتىڭ ايتۋىنشا, كۇشتىك قۇرىلىمدار جاڭا تالاپقا ساي بولۋى قاجەت.
«قازىر ارنايى وپەراتسيالار كۇشتەرىنىڭ قولباسشىلىعى قۇرىلدى. سونداي-اق دەسانتتىق-شابۋىلداۋشى اسكەردىڭ قارىم-قابىلەتىن ارتتىرۋ ءۇشىن ناقتى جۇمىس جۇرگىزىلىپ جاتىر. اۋماقتىق قورعانىستىڭ الەۋەتى كۇشەيتىلىپ جاتىر. ازاماتتىق قورعانىس بولىمشەلەرى قۇرىلىپ جاتىر. ارنايى جاساق بولىمدەرىن دامىتۋ ءىسى تىڭ قارقىنمەن جالعاسۋدا. وسى جۇمىستىڭ ءبارىن ۋاقتىلى اياقتاۋ كەرەك. ولار بىرتىندەپ قاجەتتى جابدىقتارمەن قامتاماسىز ەتىلۋگە ءتيىس», دەدى ق.توقاەۆ.
سونداي-اق مەملەكەت باسشىسى مەملەكەتتىك ورگانداردىڭ تىعىز قارىم-قاتىناستا بولۋى وتە ماڭىزدى ەكەنىن اتاپ ءوتتى.
«سوندا عانا كەز كەلگەن قاۋىپ-قاتەرگە توتەپ بەرە الامىز. قۋاتتى ارميا – تۇراقتىلىق پەن تىنىشتىقتىڭ كەپىلى», دەدى ەل پرەزيدەنتى.
