ۇلت ونەرىنە ولشەۋسىز ۇلەس قوسقان ونەرپازدىڭ ەسىمىن ەسكە العان ەستاي اۋىلىنىڭ جاستارى بىرقاتار شاراپاتتى ءىس-شارانى جۇزەگە اسىردى. دالىرەك ايتساق, س.مۇتكەنوۆ اتىنداعى جالپى ورتا ءبىلىم بەرەتىن مەكتەپتە «ارداقتايىق سارىارقانىڭ اسىلىن» تاقىرىبىندا ەستاي اقىننىڭ ءومىربايانى مەن شىعارماشىلىعىنا, اندەرىنىڭ تاريحىنا ارنالعان عىلىمي جوبالار سايىسى ءوتتى. جوبالار سايىسىندا 1-ورىندى گۇلنار سارسەن السا, 2-ورىندى قىزعالداق ورازعالي ەنشىلەدى, 3-ورىن ەربولات نۇربايعا بۇيىردى. جۇلدەلى بولعان وقۋشىلاردى ىنتالاندىرۋ ماقساتىندا ەستاي اۋىلىنىڭ جاستارى اقشالاي سىي-سياپات تابىستادى.
مەكتەپ ديرەكتورى رايگۇل تۇرسىنبايقىزى شاكىرتتەردىڭ شابىتىن وياتىپ, تالابىن ۇشتاۋعا ۇلەس قوسقان ەستاي اۋىلىنىڭ جاستارىنا ريزاشىلىعىن ءبىلدىردى.
«قازاقتا «تۋعان جەرگە تۋىڭدى تىك» دەگەن جاقسى ءسوز بار. وسى ءبىر ءتالىمدى ءتامسىلدى اۋىزبەن ايتىپ قانا قويماي, ءىس جۇزىنە اسىرعان جاستاردىڭ اسەرلى ارەكەتى ءبارىمىزدى ءسۇيسىنتتى. ءبىر كەزدەرى ءوزىمىزدىڭ اۋىلدان ءبىلىم الىپ, قانات قاققان وقۋشىلارىمىزدىڭ تۋعان جەرگە ات باسىن بۇرىپ, بۇگىنگى اتقارعان شارۋالارى ەرتەڭگى بالدىرعاندارعا ۇلگى بولارى انىق», دەدى ول.
سونىمەن قاتار ەستاي ەسىمىن ۇلىقتاپ, جاستار اراسىندا ناسيحاتتاۋ ماقساتىندا شاعىن فۋتبولدان تۋرنير ءوتتى. ەستاي بەركىمباي ۇلىنىڭ كەسەنەسىنە بارىپ, قۇران باعىشتاۋدان باستالعان يگىلىكتى ءىس-شارا كەشكە دەيىن جالعاستى.
توقسان اۋىز ءسوزدىڭ توبىقتاي ءتۇيىنى, ۇيىمداستىرىلعان ءىس-شارالاردىڭ بارلىعى ەستاي بەركىمباي ۇلىنىڭ ەسىمىن جاڭعىرتۋعا, ۇلت جادىنان وشىرمەۋگە باعىتتالدى.
راۋان قايدار,
جۋرناليست
پاۆلودار وبلىسى
