ءىت ماماندارىن دايارلاۋ, تۇلەكتەرگە ارنالعان بوس ورىندار جارمەڭكەسىن ۇيىمداستىرۋ, ستۋدەنتتىك ءىت ستارتاپتاردى دامىتۋدى ماقسات ەتكەن فورۋمعا قازۇۋ باسقارما توراعاسى-رەكتور جانسەيىت تۇيمەباەۆ قاتىسىپ, فورۋمنىڭ ستۋدەنتتەر ءۇشىن IT-تەحنولوگيالار سالاسىندا تاجىريبە جيناقتاپ, ءوز داعدىلارىن نىعايتۋعا مۇمكىندىك بەرەتىنىن اتاپ ءوتتى.
«مەملەكەت باسشىسى قاسىم-جومارت توقاەۆ «2025 جىلعا قاراي كەمىندە 100 مىڭ جوعارى بىلىكتى IT-ماماندار دايارلاۋ» مىندەتىن قويعانى بەلگىلى. بۇگىندە الەمدىك نارىقتى IT سالاسىندا 100 ملن مامانداردىڭ جەتىسپەۋشىلىگى الاڭداتادى. 2025 جىلعا قاراي بۇل سۇرانىس 200 ميلليونعا دەيىن ارتۋى ىقتيمال. قازۇۋ ءاردايىم ستۋدەنتتەرگە ساپالى ءبىلىم بەرۋگە جانە ولاردىڭ ءوزىن-ءوزى جان-جاقتى دامۋى مەن شىعارماشىلىق جۇمىستارىن ىسكە اسىرۋعا بارلىق جاعداي جاساي جاساي وتىرىپ, ء ار سالادا جەتىستىككە جەتكەن تۇلەكتەر مەن تالانتتى جاستاردىڭ باسىن قوساتىن ديالوگتار ۇيىمداستىرۋدا», دەدى جانسەيىت تۇيمەباەۆ.
ەركىن فورماتتا ۇيىمداستىرىلعان كەزدەسۋدە «ASUS» كومپانياسىنىڭ تەحنيكالىق مەنەدجەرى امانتاي التان ۇلى, Factorial Incubator باعدارلاماسىنىڭ نەگىزىن قالاۋشى ارمان سۇلەيمەنوۆ, تسينحۋا ۋنيۆەرسيتەتىنىڭ پروفەسسورى چجان ۆۋشەن, «ZTE» ماركەتينگ بويىنشا جەتەكشى ساراپشىسى ەگور مانيۋكوۆ, «Baiterek Venture Fund» اق ديرەكتورلار كەڭەسىنىڭ مۇشەسى ءارى كاسىپكەر دانا بليەۆا جانە وزگە دە ساراپشىلار مەن كاسىپكەرلەر بايانداما جاساپ, IT الەمنىڭ وزەكتى ماسەلەلەرىن تالقىلادى.
فورۋم اياسىندا ستۋدەنت جاستارعا ارنالعان بوس ورىندار جارمەڭكەسى ءوتتى. جاستارعا مەملەكەتتىك مەكەمەلەر, جشس, ەكىنشى دەڭگەيدەگى بانكتەر, ءىرى كومپانيالار جۇمىس ۇسىندى. سونىمەن قاتار ستۋدەنتتەر اتالعان مەكەمەلەردەن جازعى وندىرىستىك تاجىريبەدەن وتۋگە مۇمكىندىك الدى.
ۋنيۆەرسيتەتتەگى جاس عالىمداردىڭ يننوۆاتسيالىق جوبالارىن كوپشىلىككە كەڭىنەن تانىستىرۋ ماقساتىندا ستۋدەنتتىك ءىت ستارتاپتار كورمەسى, سونداي-اق ءبىلىم الۋشى جاستار اراسىندا «FIFA PS5» جارىسى ءوتتى.
فورۋم سوڭىندا ۇزدىك ستارتاپتاردىڭ اۆتورلارى مەن «FIFA PS5» جەڭىمپازدارىنا ديپلوم جانە باعالى سىيلىقتار بەرىلدى.
