جوبا اياسىندا 2023 جىلى حرونومەتراجى 5 مينۋتتان اساتىن كەمىندە 10 انيماتسيالىق تۋىندى جارىققا شىعادى دەپ كۇتىلۋدە.
مينيسترلىك ارنايى ستسەناريلەر بايقاۋى جاريالانعانىن ايتتى. وعان تۇركىتىلدەس ەلدەردىڭ ەجەلگى اڭىزدارىمەن بايلانىستى تاقىرىپتاردا: تۇركىتىلدەس ەلدەردىڭ ۇلى تۇلعالارى, قاسيەتتى جانۋارلارى مەن جەر-سۋ اتاۋلارى, تۇركىتىلدەس ەلدەردىڭ ورتاق مەرەكەلەرى مەن ۇلتتىق ويىن-ساۋىقتارى تۋرالى اڭىزدار نەگىزىندە شىعارماشىلىق جۇمىستار قابىلدانادى.
پيتچينگ قورىتىندىسى بويىنشا تاڭدالعان ون ۇزدىك جوبا اشىق قورعاۋ مۇمكىندىگىنە يە بولادى.
«بۇل جوبانىڭ ماڭىزى وتە ۇلكەن. قازىر ستسەناريلەر بايقاۋى جاريالاندى. ءبىز اۆتورلارعا وتكەن تاريحىمىزدى بۇگىنگى كۇنمەن بايلانىستىرۋعا بولاتىنداي شىعارماشىلىق ەركىندىك بەرىپ وتىرمىز. سول سەبەپتى ۇمىتكەرلەردەن تاقىرىپقا ساي جانە كوركەمدىك دەڭگەيى جوعارى جۇمىستار كۇتەمىز», دەدى «قازاقفيلم» كينوستۋدياسىنىڭ ۆيتسە-پرەزيدەنتى سەرىك ابىشەۆ.
