كاسىپكەردىڭ ءوتىنىشىن وبلىستىق سىبايلاس جەمقورلىققا قارسى قىزمەت پەن «اتامەكەن» وڭىرلىك كاسىپكەرلەر پالاتاسىنىڭ بيزنەستى قورعاۋ جونىندەگى جۇمىس توبى قارادى. ءوز وتىنىشىندە كاسىپكەر «تازا وسكەمەن» كوممۋنالدىق كاسىپورنىنىڭ لاۋازىمدى تۇلعالارى 2022 جىلدىڭ قىركۇيەگىنەن باستاپ كاسىپكەر الدىنداعى 5,4 ملن تەڭگە سوماسىنداعى مەملەكەتتىك ساتىپ الۋ شارتى بويىنشا بورىشتىق مىندەتتەمەلەرىن ورىنداماعانىن كورسەتكەن.
تاۋاردى جەتكىزۋشى كاسىپكەر شارت بويىنشا بارلىق مىندەتتەمەلەردى تولىق ورىنداعان, بۇل ەكى تاراپ قول قويعان تاۋاردى قابىلداۋ-بەرۋ اكتىسىمەن راستالادى.
بۇل ىسكە ANTIKOR, وبلىستىق پروكۋراتۋرا مەن «اتامەكەن» وكپ ارالاسقاننان كەيىن كوتەرىلگەن ماسەلە بويىنشا جۇمىس كەزدەسۋى ۇيىمداستىرىلدى. ناتيجەسىندە, «تازا وسكەمەن» كوممۋنالدىق كاسىپورنى تاۋار جەتكىزۋشى الدىنداعى قارىزىن تولىق تولەدى.
