اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ ارنايى جوباسى اياسىندا بيىلعى جىلدىڭ 24-28 ساۋىرىندە استانا قالاسىندا ايەلدەر اراسىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) ماماندارى قازاقستاندىق قوعامنىڭ رۋحاني-ادامگەرشىلىك, ۇلتتىق داستۇرلەر مەن مادەنيەتتى نىعايتۋعا باعىتتالعان اقپاراتتىق-ءتۇسىندىرۋ جۇمىستارىن ۇيىمداستىردى. سونىمەن قاتار ءدىندار ايەلدەر اراسىندا ءدىني ەسترەميزمنىڭ تارالۋىن الدىن الۋعا باعىتتىلعان ءارتۇرلى فورماتتاعى ءىس-شارالاردى ۇيىمداستىرۋ شەڭبەرىندە ستۋدەنتتەر, ايەل جاماعاتى, قىزمەتكەر, پسيحولوگتارمەن بىرقاتار ءىس-شارا مەن كەزدەسۋ ءوتتى.
اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – ت.ز.قوجاحمەتوۆا, ر.ا.تاليپبەكوۆا, ر.سولتان, ج.ا.سادىقوۆا, ز.ب.مالعاراەۆا قاتىستى.
راتت مۇشەلەرىنىڭ قاتىسۋىمەن ل.ن. گۋميلەۆ اتىنداعى ەۇۋ, س.سەيفۋللين اتىنداعى قازاتۋ, «شابىت» قازۇوۋ جانە رەسپۋبليكالىق مەديتسينا اكادەمياسىنىڭ مەديتسينالىق كوللەدجى, ز.ع.مىرزاعۇلوۆا اتىنداعى «دانالىق» جوعارى مەديتسينالىق كوللەدجى, شيپاگەر مەديتسينالىق كوللەدجى جانە ەۋرازيا گۋمانيتارلىق ينستيتۋتىنىڭ جوعارى كوللەدجىنىڭ ستۋدەنتتەرىمەن, ازىرەت سۇلتان, ءال-فارابي, سادۋاقاس عىلماني, ءالجان انا مەشىتتەرى جانە رەسپۋبليكالىق باس مەشىتىنىڭ ايەل جاماعاتىمەن, «وقۋشىلار سارايى» ورتا وقۋ ورىندارىندا پسيحولوگتارمەن, قر ۇلتتىق اكادەميالىق كىتاپحاناسىنىڭ قىزمەتكەرلەرىمەن, دىندەردى زەرتتەۋ ورتالىعىندا «جۋسان» وپەراتسياسى اياسىندا ەلگە ورالعان ايەلدەرمەن كەزدەسۋ ءىس-شارالارى ۇيىمداستىرىلدى.
وتكىزىلگەن ءىس-شارالاردا ءدىن سالاسىنداعى مەملەكەتتىك ساياساتتىڭ نەگىزگى ەرەجەلەرى مەن مەملەكەت دامۋىنىڭ زايىرلىلىق پرينتسيپتەرى تۋرالى, سونداي-اق دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپاراتتار بەرىلدى.
ساراپشىلار ءدىننىڭ رۋحاني-ادامگەرشىلىك قۇرامداس بولىگى ماسەلەلەرىنە, قازىرگى قوعامداعى ايەلدەردىڭ ءرولى مەن الەۋمەتتىك مارتەبەسىن, سونداي-اق جاستار مەن ايەلدەر اراسىندا ءدىني ساۋاتتىلىقتى ارتتىرۋعا, دەسترۋكتيۆتى ءدىني اعىمداردىڭ اسەرىنە قارسى تۇرۋ شارالارىنا ەرەكشە نازار اۋداردى.
جيىن سوڭىندا راتت مۇشەلەرى تىڭداۋشىلاردىڭ سۇراقتارىنا جاۋاپ بەردى.
