قىزمەت ءورىسى كەڭەيۋدە

وبلىس اۋماعىنداعى ءۇش ۇلتتىق پارك پەن يۋنەسكو-نىڭ تابيعات مۇراسى تىزىمىنە ەنگىزىلگەن بىرەگەي قورعالجىن مەملەكەتتىك ورنيتولوگيالىق قورىعى تۋريستەر ءۇشىن ولكەمىزدىڭ اتىن ايگىلەپ تۇر. 2013 جىلى ولاردىڭ سانى 1 ميلليونعا جۋىق ادامدى قۇرادى, بۇل 2011 جىلمەن سالىستىرعاندا 36 پايىزعا جوعارى بولىپ وتىر. تۋريستىك قىزمەت كولەمى 1,5 ەسەگە ارتىپ, 2 ميلليارد 300 ميلليون تەڭگەگە جەتتى. بۇگىنگى تاڭدا وبلىسىمىزدا ءتۋريزمنىڭ بارلىق ءتۇرى بويىنشا قىزمەت كورسەتىلەدى. تۋريزم قىز­مەتىن نەگىزىنەن تۋريستىك مەكەمەلەر ۇسىنۋدا. ولاردىڭ قاتارىندا شيپاجاي-ساۋىقتىرۋ مەكەمەلەرى, ۇلتتىق پاركتەر, تۋريستىك فيرمالار بار. بۇگىنگى كۇنى وبلىستا شاعىن جانە ورتا كاسىپكەرلىك نىسانىنا جا­تا­تىن 739 كاسىپورىن تۋريزم سالا­سىندا جۇمىس ىستەيدى. مۇ­نىڭ ءوزى ايماعىمىزدا تۋريزم سالا­سى­نىڭ جوعارى دەڭگەيدە, جان-جاق­تى دامىپ كەلە جاتقاندىعىن ايعاقتايدى. قازاقستان رەسپۋبليكاسىنىڭ پرەزيدەنتى نۇرسۇلتان نازار­باەۆ ەل حالقىنا ارناعان «قازاق­ستان-2050» ستراتەگياسى – قالىپ­تاس­قان مەملەكەتتىڭ جاڭا ساياسي باعىتى» اتتى جولداۋىندا مەملە­كە­تى­مىزدىڭ ۇزاق مەرزىمدى دامۋ باع­دا­رىن ايقىنداپ بەردى. بۇل تاريحي قۇ­جاتتا, اسىرەسە, تۋريزم سالاسىن دا­­مى­­تۋدىڭ ماڭىزىن, ودان ەل ەكو­نو­مي­­­كاسىنا قوماقتى قارجى ءتۇسىرىپ, تا­­بىس تابۋعا بولاتىنى جونىندە ايت­­­قان بولاتىن. ويتكەنى, تۋريزم ءبۇ­­­گىندە سەرپىندى دامىپ كەلە جات­­­قان سا­لالاردىڭ ءبىرى بولىپ تابىلادى. ششۋچە-بۋراباي كۋرورتتى ايما­عىنىڭ قۇرىلۋى وڭىردەگى تۋريزم سالاسىن دامىتۋعا ايتارلىقتاي سەرپىن بەردى. بۇگىندەرى بۇل باع­دارلاما تىكەلەي ۇكىمەت باسشى­سىنىڭ ءجىتى نازارىنا الىنىپ, ارنايى ەكونوميكالىق ايماقتا تۋريستىك كلاستەردى دامىتۋ ءۇشىن 2012-2013 جىلدار ارالىعىندا رەسپۋبليكالىق بيۋدجەت ەسەبىنەن 17 ميلليارد تەڭگەدەن استام قار­جى ءبولىندى. قازىرگى ۋاقىتتا بۇل قارجىعا اۆتوكولىك جولدارىن ءجون­دەۋ, جاڭارتۋ جۇمىستارى ءجۇر­گىزى­لۋدە, ينجەنەرلىك كوممۋني­كا­تسيا­لار جاڭارتىلىپ, ەكولوگيا­لىق پروبلەمالار شەشىمىن تابۋدا. سون­داي-اق, مۇندا قازىرگى زامانعا ساي تۋريستىك كەشەندەر بوي كوتەرىپ, دە­مالۋشىلار يگىلىگىنە قىزمەت جا­ساۋ­دا. اسىرەسە, سولاردىڭ ارا­سىن­­دا يندۋستريا جانە جاڭا تەح­­­نولوگيالار مينيسترلىگىنىڭ تاپ­­­سىرماسىمەن قولعا الىنعان بەس جۇل­دىزدى «Burabay Lakes Resort Hotel» تۋريستىك قوناق ءۇي كە­شەنى, «وقجەتپەس» شيپاجايى, «كوك­شەتاۋ» پارك وتەلى جانە «قا­زاق­ستان لاپلاندياسى» سياقتى تۋ­ريستىك نىساندار بۇگىنگى كۇنى ەلى­مىزدەگى دەمالۋ يندۋسترياسىنىڭ كوش­باسشىسى رەتىندە تانىمال بولۋدا. تۋريستەرگە جاعداي تۋعىزۋ ءۇشىن كوكشەتاۋ قالاسىنداعى اۋە­جايدى جاڭارتۋ جۇمىستارى اياقتال­دى, ياعني اۋەجاي تەرمينالى ساعا­تىنا 200 جولاۋشىنى قابىلداۋ ءمۇم­كىندىگىنە يە. اۋەجاي جاڭا زامان­عى اۋە رەيستەرىن قابىلداۋعا جانە جولاۋشىلارعا حالىقارالىق ستان­دارتقا ساي قىزمەت كورسەتۋگە ءمۇم­ك­ىن­دىك الدى. مۇنىڭ ءوزى كۋرورت­تى ايماقتىڭ الەۋەتىن ارتتىرۋعا جانە تۋريستەردى تارتۋعا وڭ ىقپال ەتەتىن بولادى. جالپى, كۋرورتتى ايماقتا تۋريستىك كلاستەردى دامىتۋ­دىڭ باعدارلارى جان-جاقتى قاراس­تىرىلعان. ماسەلەن, قازىر بارلىق دەمالىس ورىندارىنىڭ 50 پايىزعا جۋىعى قىسقى دەمالىس شارالارىن ۇيىمداستىرعان. سوندىق­تان, دەما­­لىس ورىندارىنىڭ قىسى-جازى تولىق جۇكتەمەمەن جۇمىس ىستەۋلەرىن قامتاماسىز ەتۋ ەڭ باستى ماسەلە بولىپ وتىر. بۇل باعىتتا جاڭا باعدارلاما شەڭبەرىندە كوپتەگەن شارالار جوسپارلانعان. اقمولا وبلىسىندا بۋرابايدان دا باسقا تابيعاتى كوركەم وڭىرلەر از ەمەس. زەرەندى, ساندىقتاۋ, ەرەي­مەنتاۋ, اقكول, بۇلاندى, قورعال­جىن وڭىرلەرىندە دە تۋريزم بىرتىندەپ دامىپ كەلەدى. زەرەندى ايماعىندا بۇگىندە كوپتەگەن دەمالىس ورىن­­دارى, ونىڭ ىشىندە قىسقى دەما­لىس ورىندارى جۇمىس ىستەيدى. سو­نىمەن قاتار, ەكسپو-2017 حا­لىق­ارالىق كورمەسى اياسىندا تسەلينوگراد, ارشالى, قورعالجىن اۋداندارىندا ەتنواۋىلدار قۇرۋ جوباسىن جۇزەگە اسىرۋ قولعا الىندى. مۇنىڭ ءوزى كورمەگە قاتىسۋ ءۇشىن كەلەتىن مىڭداعان تۋريستەردىڭ قازاق حالقىنىڭ باي تاريحى, ءتول مادەنيەتى, داستۇرلەرىمەن تانى­سۋلارىنا مۇمكىندىك بەرەدى. سوڭعى جىلداردا تۋريزم سالا­سىن جارنامالاۋ جانە ناسيحات­تاۋ جونىندەگى ماتەريالدار شىعارۋ كولەمى دە ارتىپ وتىر. بۇدان جارنامالىق ونىمدەردىڭ سانى عانا ەمەس, ساپاسى دا جاقسارا ءتۇستى. وسىنىڭ ناتيجەسىندە وبلىسى­مىزدىڭ دەمالىس ورىندارى تۋرالى اقپاراتتار اۋماعى كەڭەيۋدە. وبلىسىمىزدا «تۋريزم. ساۋىق­تىرۋ. ساياحات» تۋريستىك ءجار­مەڭ­كەسىن وتكىزۋ بەرىك داستۇرگە اينالدى. سونداي-اق, ءبىز جىل سايىن رەسپۋبليكالىق دەڭگەيدە وتكىزىلەتىن «ITFA-2013», «تۋريزم. ساۋىقتىرۋ. ساياحات» حالىقارالىق تۋريستىك كور­­مەسى مەن رەسپۋبليكالىق «سارقىلماس ساياحات-2013» كورمە­سىنە جانە اقتوبە قالاسىندا ءوت­كەن «شەبەرلەر اۋىلى» اتتى قول­­دان­بالى ونەر يەلەرىنىڭ ءىV  رەسپۋب­ليكالىق فەستيۆالىنە دە بەلسەنە قاتىسۋدامىز. سودان بولار, وبلىسىمىزعا شەتەلدەردەن كەلەتىن تۋريستەر قاتارى كوبەيىپ وتىر. شىناربەك باتىرحانوۆ, اقمولا وبلىستىق تۋريزم باسقارماسىنىڭ باسشىسى. اقمولا وبلىسى.