ءاربىر كومپانيانىڭ جاماعات الدىندا الەۋمەتتىك جاۋاپكەرشىلىگى بار بولسا دا, وسى ساۋاپتى ىسكە شىنايى ىقىلاسىمەن بەرىلگەن, قايىرىمدىلىق جاساۋدى بىلايشا دا پارىز دەپ بىلەتىن ىسكەر ورتا بار. سونداي ءىرى باستامانىڭ ءبىرىن Beeline Business قولعا الىپ وتىر.
كوشباسشىلار قاتارىنداعى ۇيالى بايلانىس وپەراتورى وسى اپتادا «شەكسىز مۇمكىندىكتەر» اتتى اۋقىمدى رەسپۋبليكالىق ءىرى قايىرىمدىلىق جوباسى اياسىندا بالالار ۇيلەرىن, مەكتەپ-ينتەرناتتاردى, مۇگەدەكتەر ۇيلەرىن ينتەرنەتكە تەگىن جالعاۋدى باستاپ تا جىبەردى.
بۇل جوبا الماتى قالاسىنداعى مۇگەدەك بالالاردىڭ اتا-انالارى قاۋىمداستىعىنىڭ قابىرعاسىندا باستاۋ الىپ, ونىڭ كومپيۋتەرلىك سىنىبى – جىلدام ينتەرنەتكە تەگىن قوسىلعان العاشقى نىسان بولدى.
– قازىرگىدەي اقپاراتتىق تەحنولوگيالار زامانىندا عالامتورعا قول جەتكىزۋدىڭ قانداي ماڭىزدى ەكەندىگىن ءاربىر ادام بىلەدى. اسىرەسە, ينتەرناتتار مەن بالالار ۇيلەرىنە وسى مۇمكىندىكتى تۋعىزىپ, قۇقىقتارىنا قول جەتكىزۋ ىسىنە قۋانا كومەكتەسەمىز. وسى باستاما اياسىندا ينتەرنەتتى ءىس جۇزىندە قاجەت ەتەتىن ادامدارعا ينتەرنەت قولجەتىمدى بولادى. الداعى 2-3 جىل ىشىندە الەۋمەتتىك نىسانداردى ينتەرنەتكە جالعاۋدى جالعاستىرا بەرەمىز, – دەيدى «2 Day Telecom» جشس-ءنىڭ باس ديرەكتورى تۇڭعىشبەك باتتالحانوۆ.
تۇڭعىشبەك باتتالحانوۆتىڭ ايتۋىنشا, بۇل جوبا بىرنەشە كەزەڭگە بولىنەدى. الدىمەن ينتەرنەتكە اسا مۇقتاج نىساندار قوسىلادى. 2Day Telecom (Beeline) اتالمىش مەكەمەلەردى ينتەرنەتپەن تەگىن قامتاماسىز ەتىپ قويماي, وڭىرلەردەگى كەڭسەلەرى ارقىلى وسى مەكەمەلەردى قامقورلىققا الىپ, بۇل ىسكە ەرىكتى تۇردە كومەكتەسكىسى كەلەتىن قايىرىمدى جانداردىڭ جۇمىسىن جانداندىرماق.
ەڭ باستىسى, ءۇشىنشى كەزەڭدە e-learning فورماتىنداعى جۇمىستار اتقارىلماق. ياعني, بالالار ۇيلەرى مەن مەكتەپ-ينتەرناتتار عالامتور ارقىلى ءبىلىم كونتەنتىنە قوسىلادى. ينتەرنەتى بار بالا قاي جەردە وتىرسا دا قالاعان ءبىلىمىن الىپ, كۋرستارعا قاتىسىپ, شەت تىلدەرىن مەڭگەرە الادى. زاماناۋي ءبىلىم الۋدا e-learning ءرولى قانداي ەكەنىن قازىرگى جاستار جاقسى بىلەدى. بۇرىن وسى فورمات ارقىلى ءبىلىم الۋ 2 پايىز بولسا, قازىر ول 10 پايىزعا جەتىپ قالدى. ارزان, ءارى ءتيىمدى.
بالالاردىڭ ماڭىزدى ءبىر ماسەلەسىن شەشىپ بەرگەن باستاما كەزىندە «اردي» قوعامدىق بىرلەستىگىنىڭ توراعاسى, الماتى قالاسى اكىمدىگىنىڭ مۇگەدەكتەر قۇقىعى جونىندەگى ۇيلەستىرۋ كەڭەسىنىڭ مۇشەسى ءاسيا احتانوۆا: «بالالارىمىزدىڭ باسىم كوپشىلىگى ءۇشىن كەيدە ينتەرنەت – الەمگە جول اشاتىن جالعىز تەرەزە بولىپ تابىلاتىندىعى, الەمدى تانىپ- ءبىلۋ جانە تىلدەسۋ قۇرالى بولىپ تابىلاتىندىعى قۇپيا ەمەس. سونىمەن قاتار, ينتەرنەتتىڭ جانە عىلىم جەتىستىكتەرىنىڭ ارقاسىندا ورتالىقتا ساۋىقتىرۋدىڭ جاڭا تەحنولوگيالارى پايدا بولادى», دەيدى.
سونىمەن, الداعى بىرنەشە جىلدا «شەكسىز مۇمكىندىكتەر» ۇزاق مەرزىمدى جوباسىنىڭ شەڭبەرىندە قازاقستاننىڭ بارلىق قالالارىنداعى الەۋمەتتىك نىسانداردى تەگىن سىمدى ينتەرنەتكە قوسۋ اياقتالادى. عالامتورعا تەگىن جالعاناتىن مەكەمەلەر تىزىمىندە – بالالار ۇيلەرى, وبلىستىق مەكتەپ-ينتەرناتتار, مۇمكىندىگى شەكتەۋلى ادامداردى بەيىمدەۋ ورتالىقتارى بار. 2014 جىلدىڭ اياعىنا دەيىن قازاقستاننىڭ 6 قالاسىنداعى 8 نىسان قوسىلاتىن بولادى.
ايناش ەسالي,
«ەگەمەن قازاقستان».
الماتى.
كوشباسشىلار قاتارىنداعى ۇيالى بايلانىس وپەراتورى وسى اپتادا «شەكسىز مۇمكىندىكتەر» اتتى اۋقىمدى رەسپۋبليكالىق ءىرى قايىرىمدىلىق جوباسى اياسىندا بالالار ۇيلەرىن, مەكتەپ-ينتەرناتتاردى, مۇگەدەكتەر ۇيلەرىن ينتەرنەتكە تەگىن جالعاۋدى باستاپ تا جىبەردى.
بۇل جوبا الماتى قالاسىنداعى مۇگەدەك بالالاردىڭ اتا-انالارى قاۋىمداستىعىنىڭ قابىرعاسىندا باستاۋ الىپ, ونىڭ كومپيۋتەرلىك سىنىبى – جىلدام ينتەرنەتكە تەگىن قوسىلعان العاشقى نىسان بولدى.
– قازىرگىدەي اقپاراتتىق تەحنولوگيالار زامانىندا عالامتورعا قول جەتكىزۋدىڭ قانداي ماڭىزدى ەكەندىگىن ءاربىر ادام بىلەدى. اسىرەسە, ينتەرناتتار مەن بالالار ۇيلەرىنە وسى مۇمكىندىكتى تۋعىزىپ, قۇقىقتارىنا قول جەتكىزۋ ىسىنە قۋانا كومەكتەسەمىز. وسى باستاما اياسىندا ينتەرنەتتى ءىس جۇزىندە قاجەت ەتەتىن ادامدارعا ينتەرنەت قولجەتىمدى بولادى. الداعى 2-3 جىل ىشىندە الەۋمەتتىك نىسانداردى ينتەرنەتكە جالعاۋدى جالعاستىرا بەرەمىز, – دەيدى «2 Day Telecom» جشس-ءنىڭ باس ديرەكتورى تۇڭعىشبەك باتتالحانوۆ.
تۇڭعىشبەك باتتالحانوۆتىڭ ايتۋىنشا, بۇل جوبا بىرنەشە كەزەڭگە بولىنەدى. الدىمەن ينتەرنەتكە اسا مۇقتاج نىساندار قوسىلادى. 2Day Telecom (Beeline) اتالمىش مەكەمەلەردى ينتەرنەتپەن تەگىن قامتاماسىز ەتىپ قويماي, وڭىرلەردەگى كەڭسەلەرى ارقىلى وسى مەكەمەلەردى قامقورلىققا الىپ, بۇل ىسكە ەرىكتى تۇردە كومەكتەسكىسى كەلەتىن قايىرىمدى جانداردىڭ جۇمىسىن جانداندىرماق.
ەڭ باستىسى, ءۇشىنشى كەزەڭدە e-learning فورماتىنداعى جۇمىستار اتقارىلماق. ياعني, بالالار ۇيلەرى مەن مەكتەپ-ينتەرناتتار عالامتور ارقىلى ءبىلىم كونتەنتىنە قوسىلادى. ينتەرنەتى بار بالا قاي جەردە وتىرسا دا قالاعان ءبىلىمىن الىپ, كۋرستارعا قاتىسىپ, شەت تىلدەرىن مەڭگەرە الادى. زاماناۋي ءبىلىم الۋدا e-learning ءرولى قانداي ەكەنىن قازىرگى جاستار جاقسى بىلەدى. بۇرىن وسى فورمات ارقىلى ءبىلىم الۋ 2 پايىز بولسا, قازىر ول 10 پايىزعا جەتىپ قالدى. ارزان, ءارى ءتيىمدى.
بالالاردىڭ ماڭىزدى ءبىر ماسەلەسىن شەشىپ بەرگەن باستاما كەزىندە «اردي» قوعامدىق بىرلەستىگىنىڭ توراعاسى, الماتى قالاسى اكىمدىگىنىڭ مۇگەدەكتەر قۇقىعى جونىندەگى ۇيلەستىرۋ كەڭەسىنىڭ مۇشەسى ءاسيا احتانوۆا: «بالالارىمىزدىڭ باسىم كوپشىلىگى ءۇشىن كەيدە ينتەرنەت – الەمگە جول اشاتىن جالعىز تەرەزە بولىپ تابىلاتىندىعى, الەمدى تانىپ- ءبىلۋ جانە تىلدەسۋ قۇرالى بولىپ تابىلاتىندىعى قۇپيا ەمەس. سونىمەن قاتار, ينتەرنەتتىڭ جانە عىلىم جەتىستىكتەرىنىڭ ارقاسىندا ورتالىقتا ساۋىقتىرۋدىڭ جاڭا تەحنولوگيالارى پايدا بولادى», دەيدى.
سونىمەن, الداعى بىرنەشە جىلدا «شەكسىز مۇمكىندىكتەر» ۇزاق مەرزىمدى جوباسىنىڭ شەڭبەرىندە قازاقستاننىڭ بارلىق قالالارىنداعى الەۋمەتتىك نىسانداردى تەگىن سىمدى ينتەرنەتكە قوسۋ اياقتالادى. عالامتورعا تەگىن جالعاناتىن مەكەمەلەر تىزىمىندە – بالالار ۇيلەرى, وبلىستىق مەكتەپ-ينتەرناتتار, مۇمكىندىگى شەكتەۋلى ادامداردى بەيىمدەۋ ورتالىقتارى بار. 2014 جىلدىڭ اياعىنا دەيىن قازاقستاننىڭ 6 قالاسىنداعى 8 نىسان قوسىلاتىن بولادى.
ايناش ەسالي,
«ەگەمەن قازاقستان».
الماتى.
