وقيعا 1 مامىردا ساعات 15:55-تە بولعان. 112 پۋلتىنە مۇعالجار اۋدانى باتپاقكول اۋىلدىق وكرۋگى جاڭاجول كەن ورنىندا «سنپس-اقتوبەمۇنايگاز» اق №2 گاز وڭدەۋ زاۋىتىنىڭ اۋماعىندا ۋپلۋ-1 ورتەنگەنى تۋرالى حابارلاما تۇسكەن.
كۇيىك شالعان 4 جۇمىسشى تەمىر اۋدانىنىڭ ورتالىق اۋرۋحاناسىنا شۇعىل تۇردە جاتقىزىلعان. زارداپ شەككەندەر تۇراقتى اۋىر جاعدايدا.
«اقتوبە وبلىسىنىڭ اكىمى ەرالى توعجانوۆتىڭ تاپسىرماسىمەن وبلىستىق تجد وكىلدەرى وقيعا ورنىن اۋەدەن تەكسەردى. ءورتتى جويۋ بويىنشا جەدەل شتاب قۇرىلدى. وقيعانىڭ سەبەپ-سالدارى انىقتالىپ جاتىر. ورتتى سوندىرۋگە 52 قۇتقارۋشى مەن 9 تەحنيكا جۇمىلدىرىلدى», دەلىنگەن حابارلامادا.
ءورت 2 مامىردا ساعات 06:20-دا ءسوندىرىلدى.
