اقپاراتتار اعىنى

● قازاقستاندا بيىلعى 5 اي­دا ەكسپورتقا 765,4 مىڭ توننا ۇن شىعا­­­رىلدى. بۇل – كە­دەن وداعى ەلدەرىن ەسەپكە الما­عان­داعى كورسەتكىش. مۇنىڭ ءوزى وتكەن جىلدىڭ وسى كەزەڭىمەن سالىس­تىرعاندا, مولشەردىڭ 25,1 پاي­ىزعا وسكەنىن كورسەتەدى. ال باعا جاعىنان 11,3 پايىزعا ارتىق. ● الماتى وبلىسىندا قا­راۋسىز قالعان گيدروەلەك­تر ستانسالارى قالپىنا كەلتى­رى­لۋدە. مۇ­نىڭ جايىن ءسوز ەتكەن پارلامەنت ءماجىلىسىنىڭ دەپۋتاتى سەرىك ۇمبەتوۆ جەتىسۋ وزەندەرى بويىندا 2020 جىلعا دەيىن تاعى 40 شاعىن ستانسا سالىناتىنىن جەتكىزدى. ايماقتا جىل سايىن 560 مەگاۆاتت قۋات كوزى پايدالانىلسا, ونىڭ 416 مەگاۆاتى ونىڭ وزىندە وندىرىلەدى. ● شىمكەنتتە كەشە شىنى بۇيىمدارىن شىعاراتىن زاۋ­ىت قاتارعا قوسىلدى. «ەۆرو كريس­تالل» جشس-نىڭ ەنشىسىندەگى قۇنى 2,3 ملرد. تەڭگەلىك جوبا ين­دۋس­تريالاندىرۋ كارتاسى شەڭ­بەرىندە جۇزەگە استى. كاسىپورىن جىلىنا 70 ملن. دانا شىنى ىدىستار شىعارا الادى. ● شىعىس قازاقستاندا سالىق جيناۋ جۇمىستارى كۇشەيتىلە تۇسەدى. وبلىس اكىمى بەردىبەك ساپارباەۆ سالىق دەپارتامەنتىنىڭ جيىنىندا سويلەگەن سوزىندە ءتيىستى ماماندارعا وسى جۇمىسقا قاتىستى ناقتىلى تاپسىرمالار بەردى. ● قىزىلوردا قالاسىندا «ديپلوممەن – اۋىلعا!» باعدار­لاماسىنا 25 مامان تارتىلدى. بۇل تۋرالى اڭگىمەلەگەن قالا اكىمى نۇرلىبەك نالىباەۆ  ولار­دىڭ ءبارىنىڭ كوتەرمەاقى ال­عاندارىن, تاعى 6 مامانعا تۇرعىن ءۇي بەرىلگەنىن مالىمدەدى. جالپى, قالادا سوڭعى 4 جىلدا 110 مامانعا  ءبىر جولعى كوتەرمە جاردەماقى مەن تۇرعىن ءۇي ساتىپ الۋ ءۇشىن 80 ملن. 845 مىڭ تەڭگە قارجى بەرىلگەن. ● اتىراۋدا مۇناي كومپا­نيا­سىنا 2,3 ملرد. تەڭگە ايىپپۇل سالىندى. وب­لىستىق پرو­كۋ­راتۋرانىڭ ارالاسۋىمەن جۇزەگە اسقان بۇل شارا «ەمبى­مۇ­نايگاز» كاسىپورنىنىڭ ايماق ەكولوگيا­سىنا كەلتىرگەن زالالى ءۇشىن قولدانىلىپ وتىر. «وبلىستىق پروكۋراتۋرانىڭ ۇسىنىسى بويىنشا 1 ملرد. 900 ملن. تەڭگە ايىپ­پۇل سالىندى. بۇعان قوسا, 512 ملن. تەڭگە سالىق تولەمى ءوندىرىلدى», – دەدى پروكۋراتۋرا وكىلى اسلان قۇراعاليەۆ وسىعان وراي. حابارلار «قازاقپارات», 24KZ, Egemen.kz اگەنتتىكتەرى مەن وبلىستىق اكىمدىكتەر سايت­تارىنىڭ دەرەكتەرى بويىنشا دايىندالدى.