سپارتاكيادادان سىنعا ءتۇستى

29-30 مامىر كۇندەرى تۋريزم جانە سپورت مينيسترلىگىنىڭ ۇيىمداستىرۋىمەن پرەزيدەنت ن.نازارباەۆتىڭ بيىلعى حالىققا جولداۋىن ىسكە اسىرۋ ماقساتىندا مينيسترلىكتەر مەن ۆەدومستۆولاردا قىزمەت ەتەتىن مەملەكەتتىك قىزمەتكەرلەر اراسىندا سپورتتىڭ ءۇش تۇرىنەن سپارتاكيادا ءوتتى. سالاماتتى ءومىر سالتى مەن سپورتتى سەرىك ەتكەن مەملەكەتتىك قىزمەتكەرلەر ەكى كۇن بويى قاجىمۇقان مۇڭايتپاسوۆ اتىنداعى ورتالىق ستاديوندا شاعىن فۋتبولدان, “استانا” سپورت كەشەنىندە ۆولەيبول مەن “جەتى قازىنا” كەشەنىندە بيلياردتان جارىسقا ءتۇستى. ءسويتىپ, ونىڭ قورىتىندىسىندا شاعىن فۋتبولدان ءبىرىنشى ورىندى پارلامەنت ءماجىلىسىنىڭ اپپاراتى, ەكىنشى ورىندى ءبىلىم جانە عىلىم مينيسترلىگى, ءۇشىنشى ورىندى قورعانىس مينيسترلىگى جەڭىپ السا, ۆولەيبول باسەكەسىندە ۇلتتىق قاۋىپسىزدىك كوميتەتىنىڭ قۇراماسىنا تەڭ كەلەر ەشكىم بولمادى. ال سپورتتىڭ وسى تۇرىنەن كومانداسىن قوسقان باس پروكۋراتۋرا قىزمەتكەرلەرى ەكىنشى ورىندى يەلەنسە, ىشكى ىستەر مينيسترلىگىنىڭ وكىلدەرى ءۇشىنشى ورىندى قاناعات تۇتتى. سول سياقتى بيلياردتان وتكەن جارىستا ءىىم-ءنىڭ كومانداسى قۇرمەت تۇعىرىنىڭ ءۇشىنشى ساتىسىنان كورىنسە, كولىك جانە كوممۋنيكاتسيالار مينيسترلىگىنىڭ قىزمەتكەرلەرى ەكىنشى, ال پرەزيدەنت اكىمشىلىگىنىڭ كومانداسى باس جۇلدەنى جەڭىپ الدى. داستان كەنجالين.