ديماشتىڭ شوۋ-كونتسەرتىنە كەلگەن كورەرمەندەر ءتۇرلى جانرداعى اندەردى تىڭدادى. كەشتە دومبىراشىلار تەمىرلان ولجاباەۆ پەن ەرنات ناۋرىز كۇيلەردەن پوپۋرري وينادى.
ديماشتىڭ ءىنىسى ءابىلمانسۇر ۆوكاليستەر كومانداسىنىڭ سۇيەمەلدەۋىمەن ەلەكترو گيتارادا جەكە ءان ورىندادى.
سونىمەن قاتار ساحنادا رەسەيلىك جاس ءانشى اننا كراۆت, گرۋزيادان كەلگەن اكتريسا جانە ءانشى تەونا دولنيكوۆا, ۆوكاليست تامارا دجامگاريان, دجاز ءانشىسى ارپەنيك حاكوبيان ونەر كورسەتتى.
ء«بىزدىڭ ماقساتىمىز - قازاق اندەرى ارقىلى سىزدەردىڭ جۇرەكتەرىڭىزگە جول تابۋ جانە سول ارقىلى ءوز مادەنيەتىمىزدى ناسيحاتتاۋ. سىزدەرگە كوپ راقمەت», دەدى ديماش قۇدايبەرگەن كونتسەرتتە.
كونتسەرت سوڭىنا قاراي ءانشى ارميان تىلىندە «سارەري حوۆين مەرنەم» اتتى ءاندى ورىنداپ, كورەرمەنگە توسىنسىي جاسادى. ونەرسۇيەر قاۋىم ديماشتىڭ ورىنداۋىنداعى ءاندى جىلى قابىلدادى.
ءانشىنىڭ «Stranger» كونتسەرتتىك تۋرى 6 مامىردا تۇركيادا جالعاسادى.
