28-29 ءساۋىر ارالىعىندا ەل-كۋۆەيتتە وتكەن جارىسقا الەمنىڭ 27 ەلىنەن 150-دەن استام سپورتشى قاتىستى. قازاقستاننىڭ اتىنان 8 سالماق دارەجەسىندە 15 سپورتشى باق سىنادى.
جارىس قورىتىندىسى بويىنشا قازاقستان قۇراماسى جالپىكوماندالىق ەسەپتە ەكىنشى ورىنعا يە بولدى. قازاقستان سپورتشىلارى 2 التىن, 2 كۇمىس جانە 3 قولا مەدال جەڭىپ الدى.
– الەمدىك ارەنادا التىن مەدال جەڭىپ العانىما وتە قۋانىشتىمىن. فينالدا مەن تۇرىكمەن دزيۋدوشىسى دوۆران يازكىلىچوۆپەن كەزدەستىم. بۇل كەرەمەت جەكپە-جەك بولدى. ۇلتتىق ۇلاننىڭ باس قولباسشىسى ەركىن بوتاقانوۆقا وسى جارىسقا قاتىسۋعا مۇمكىندىك بەرگەنى ءۇشىن, سونداي-اق ءوز جاتتىقتىرۋشىلارىما العىسىمدى بىلدىرەمىن, – دەدى ە. ەرەنقايىپوۆ.
