الەۋمەتتىك جەلىدە تاراعان ۆيدەودان بىرنەشە جاس جىگىتتىڭ ءبىر ءبىرىن قالاي ۇرىپ-سوققانىن كورۋگە بولادى. بەلگىلى بولعانداي, توبەلەس «مەگا» ساۋدا ورتالىعىنىڭ اۋماعىندا بولعان.
الماتى پوليتسيا دەپارتامەنتىنە 28 ءساۋىر كۇنى 00:00-دە روزىباكيەۆ پەن ەسقاراەۆ كوشەلەرىنىڭ قيىلىسىندا توبەلەس بولىپ جاتقانى تۋرالى حابارلاما تۇسكەن.
«وقيعا ورنىنا پوليتسيانىڭ پاترۋلدىك قىزمەتكەرلەرى جىبەرىلدى. ولار قۇقىق بۇزۋشىلىقتى توقتاتىپ, وقيعاعا قاتىسۋشىلاردىڭ بارلىعىن ۇستادى. جاستار بوستاندىق اۋدانىنىڭ پوليتسيا بولىمىنە جەتكىزىلدى. قر قىلمىستىق كودەكسىنىڭ 293-بابىنىڭ 2-بولىگى بويىنشا سوتقا دەيىنگى تەرگەۋ باستالدى. توبەلەسكە قاتىسۋشىلاردىڭ ارقايسىسىنىڭ ارەكەتىنە قۇقىقتىق باعا بەرىلەدى. وقيعانىڭ سەبەپتەرى مەن ءمان-جايى انىقتالىپ جاتىر», دەپ حابارلادى الماتى پد ءباسپاسوز قىزمەتى.
