قازاقتار ءوز جەرىندە كورەيلەردى جاناشىرلىقپەن قابىلدادى. سول قيىن جىلدارى كومەك پەن قولداۋ كورسەتتى. ال كورەيلەر قازاق حالقىنىڭ قوناقجايلىلىعىن ۇمىتقان جوق. ءبىز ءبارىمىز توننىڭ ىشكى باۋىنداي بىرگە ءومىر ءسۇرىپ كەلەمىز جانە ءبىز ەتنوستىق تەگىمىزگە قاراماستان ءبىرتۇتاس حالىقپىز.
ەل تاۋەلسىزدىگىنىڭ العاشقى جىلدارىندا ەتنوسارالىق ساياساتتى قۇرۋدىڭ وڭتايلى فورمۋلاسى ىسكە اسىرىلدى. ول – قازاقستان حالقى اسسامبلەياسى شاڭىراعى استىنا بىرىكتىرىلگەن ۇلتتىق مادەني بىرلەستىكتەر بولاتىن. تۇپتەپ كەلگەندە, بۇل – ەلىمىزدىڭ تابىستى دامۋىنا نەگىزدەلگەن «بىرلىگىمىز ءار الۋاندىقتا» قاعيداتىنىڭ كورىنىسى ەدى.
كەڭەس وداعى ىدىراعاننان كەيىن پوستكەڭەستىك رەسپۋبليكالاردىڭ بارلىعى دەرلىك ەتنوسارالىق قاتىناستاردىڭ پروگرەسسيۆتى باعىتىن ۇستاندى جانە ەتنوستاردىڭ, تىلدەر مەن مادەنيەتتەردىڭ تەڭدىگىن ءوز كونستيتۋتسيالارىندا جاريالادى. بىراق كەيىن كورگەنىمىزدەي, مۇنداي دەكلاراتسيالاردى ىسكە اسىرۋدىڭ ءتيىمدى تەتىكتەرى جاسالمادى, سوندىقتان دا ەتنوسارالىق قاقتىعىستار تۋىندادى. قازاقستان بۇعان جول بەرمەدى, بىزدە تۇراقتىلىق تەتىگى قازاقستان حالقى اسسامبلەياسى بولدى. وسىنىڭ ارقاسىندا ءبىزدىڭ ەلىمىزدەگى ەتنوسارالىق كەلىسىم ساياساتى شىنىمەن دە ءتيىمدى بولىپ شىقتى.
اندرەي شين,
الماتىداعى كورەي ۇلتتىق ورتالىعىنىڭ توراعاسى,
«شين-لاين» كومپانيالار توبىنىڭ پرەزيدەنتى
