ايتىلعان وي-پىكىر, ۇسىنىستار بىرتىندەپ ورىندالادى دەپ ويلايمىن.
قايىرىمدىلىق ىستەرىمەن 20 جىلدان استام ۋاقىتتان بەرى اينالىسىپ كەلە جاتقان ادام رەتىندە وسى الاڭدى پايدالانا وتىرىپ مەن دە ءبىر ۇسىنىس جاسادىم.
ەلىمىزدەگى بارلىق قايىرىمدىلىق ۇيىمدارى, سونىمەن قاتار قازاقستان حالقى اسسامبلەياسى جانىنداعى قايىرىمدىلىق كلۋبتارى مەملەكەتتىك قۇرىلىمدارمەن ءوزارا ءىس-ارەكەتتەستىك جاساۋدا قيىندىقتارعا تاپ بولىپ جاتادى. ءبىز – كومەككە مۇقتاج جاندار بولسا, كەز كەلگەن ۋاقىتتا جاردەم قولىن سوزۋعا دايىنبىز. دەسە دە كوبىنە-كوپ مەملەكەتتىك قۇرىلىمدار تاراپىنان قولداۋ جاعى كەمشىن. ءبىز قارجىلىق قولداۋ سۇرامايمىز. بار بولعانى ءوزىمىزدىڭ ءىس-شارالارىمىزدى وتكىزۋگە ۇيىمداستىرۋشىلىق جاعىنان قولداۋ بولعانىن قالايمىز. بار سۇرايتىنىمىز وسى.
جالپى, اسسامبلەيا ەلىمىزدەگى بارلىق مەكتەپكە دەيىنگى مەكەمەلەردە ءبىلىم بەرۋ, تاربيە بەرۋ ءىسىن جاپپاي قازاق تىلىندە ۇيىمداستىرۋ ماسەلەسىن قولداپ, وسى باعىتتا ءتۇسىندىرۋ جۇمىستارىن جۇرگىزۋى كەرەك.
اللا كۋۆشينوۆا,
قحا قايىرىمدىلىق كلۋبىنىڭ توراعاسى
سولتۇستىك قازاقستان وبلىسى
