Ekber Qoşalı – ازەربايجان اقىنى. ال Yılmaz Okuklu – تاۋەلسىزدىكتىڭ 30 جىلدىعىنا وراي قازىرگى قازاق اقىندارىنىڭ ولەڭدەرىن تۇرىك تىلىنە اۋدارىپ شىعارعان ءارى تۇركيا قالالارىندا ول كىتاپتىڭ تانىستىرىلىمى وتۋىنە ۇيىتقى بولعان مەتسەنات.
– قازاق حالقىنا قۇرمەتىمىز شەكسىز. باۋىرلاس ەلدەردىڭ ادەبيەتى مەن مادەنيەتى بىتە قايناسۋى ءتيىس. قازاقستاننان تانىمال اقىن-جازۋشىلار كوپ شىققانى ءمالىم. فەستيۆال وتە جوعارى دەڭگەيدە ۇيىمداستىرىلعان, – دەدى Ekber Qoşalı.
العاشقى كۇنى اقىندار دوڭگەلەك ۇستەلدە باس قوسىپ, جاستار ماسەلەلەرىن تالقىعا سالدى. وندا جاستارعا قولداۋ شارالارى كەڭىنەن ءسوز بولدى. تۇششىمدى ويلار ورتاعا تاستالدى.
شاكيزادا ابدىكارىموۆ, سۆەتقالي نۇرجان, سۇراعان راحمەت ۇلى, مارالتاي رايىمبەك ۇلى, باۋىرجان باباجان ۇلى, عازيز ەشتاناەۆ, داۋلەتكەرەي كاپ ۇلى, قالقامان سارين, ساعىنىش نامازشاموۆا سىندى اقىندار جاس قالامگەرلەردىڭ الەۋمەتتىك جاعدايى مەن شىعارماشىلىق جەتىلۋىن نازارعا الدى.
– ءۇيسىز-كۇيسىز جۇرگەن قانشاما جاس بار. ونى بىلاي قويعاندا جۇمىسسىزى قانشاما؟ وسىنى شەشۋدىڭ جولىن قاراستىردىق. مىسالى, ءبىز وبلىس اكىمىنىڭ ورىنباسارى ەربول شىمكەنتباي ۇلىمەن بىرىگىپ, بۇل ماسەلەنى تالقىلاعانبىز. ءبىر اقىن جۇمىسقا ورنالاستى. مۇنداي ءۇردىستى ءار وبلىس ءوز الاڭىندا جالعاستىرۋى كەرەك. تالانتتى جاستار بيلىكتىڭ نازارىنان تىس قالماۋعا ءتيىس, – دەيدى جانات جاڭقاش ۇلى.
جىر وقىلعان فەستۆال جالعاسىندا بىرقاتار اقىن-جازۋشىلار وداق مۇشەلىگىنە ءوتتى. قاراعاندى ۋنيۆەرسيتەتىنىڭ رەكتورى نۇرلان دۋلاتبەكوۆ ەكى جاس اقىننىڭ – روزا اسپانقىزى مەن ابزال ماقاشتىڭ كىتابىن شىعارىپ بەرۋدى موينىنا الدى.
– مىقتىنى انىقتاۋ قيىنعا ءتۇستى. جاس اقىنداردىڭ وسالى جوق. سول ارادا شاكيزادا اعام «ەندەشە, مەن وسى وتىرعان اقىنداردىڭ انتولوگياسىن شىعارايىن», دەدى. ءبىز قۋانىپ كەتتىك. سەبەبى ءار اقىن ماراپاتقا لايىق ەدى. قىزدى-قىزدىمەن كىتاپتىڭ اتىن بەلگىلەپ, العىسوز جازاتىن ادامدى دا تاعايىنداپ تاستادىق. «قاراعاندى كوكتەمى» وسىنداي جاڭالىقتارعا تولى بولدى. تۇركيا مەن ازەربايجاننان كەلگەن قوناقتار قاراعاندىمەن تانىستى. قاسىرەتتى «كارلاگتى» كوردى. قازاقى داستۇرمەن يىقتارىنا وقالى شاپان جابىلدى. ءوزىمىزدىڭ جىر پىرىنە اينالعان اعالارىمىزعا دا قۇرمەت كورسەتتىك, – دەيدى جانات جاڭقاش ۇلى.
قاراعاندى
