ەرمۇرات ءباپي ءوزىنىڭ دەپۋتاتتىق ساۋالىندا ۇكىمەت شەتەلگە شىعارىلعان اكتيۆتەردى مەملەكەتكە قايتارۋ ماسەلەسى بويىنشا ناقتى ءىس اتقارماي وتىرعانىن ايتتى. سونداي-اق ول كەيبىر ىستەر جابىق كۇيىندە قالىپ وتىرعانىن قوسا ايتتى. دەپۋتاتتىڭ ايتۋىنشا, اتقارىلىپ جاتقان جۇمىستاردىن ءمان-جايى مەن ناتيجەلەرى حالىققا مىندەتتى تۇردە جاريالانۋى كەرەك.
«ۇرلانعان بايلىقتى قايتارۋدى جانە ەكونوميكانى ەل مەن حالىقتىڭ الەۋمەتتىك قاجەتتىلىگىنە جۇمىلدىرۋدى تالاپ ەتكەن قانتار وقيعاسى ەسكى بيلىكتىڭ زاردابىنان پايدا بولدى. شەتەلگە شىعارىلعان قاراجاتتى حالىققا قايتارۋ - كۇن تارتىبىندە تۇرعان اسا ماڭىزدى ماسەلە. وسى ورايدا پرەزيدەنتتىڭ باستاماسىمەن ارنايى كوميسسيانىڭ قۇرىلۋى جانە قاسىم-جومارت توقاەۆتىڭ اتالعان اكتيۆتەردى قايتارۋدى كوزدەيتىن زاڭ شىعارۋ ۋادەسى ەل ازاماتتارىنا ءبىراز سەنىم ۇيالاتتى. بىراق كوميسسيا تاراپىنان ناقتى ارەكەت كورىنبەيدى», دەدى دەپۋتات.
سونداي-اق دەپۋتات پرەزيدەنت تاپسىرعان زاڭ جوباسىن ازىرلەۋ جۇمىستارى تىم سوزىلىپ كەتكەنىن ايتتى. وسى تۇستا ول ۇرلانعان اكتيۆتەردى قايتارۋ تۋرالى زاڭدى ءبىرىنشى كەزەكتە قابىلداۋ قاجەت ەكەنىن اتاپ ءوتتى.
ء«بىز حالىقتىڭ كومەگىمەن سىزدەردى ءجىتى باقىلايتىن بولامىز. بۇل ماسەلەدە ءبىز پرەزيدەنتتىڭ باستاماسىمەن وداقتاسبىز نەمەسە بۇل ىستە پرەزيدەنت بىزگە, دەپۋتاتتارعا, تولىقتاي ارقا سۇيەي الادى», دەدى ەرمۇرات ءباپي.
