ەكولوگيا مينيسترلىگىنە قاراستى ورمان شارۋاشىلىعى جانە جانۋارلار دۇنيەسى كوميتەتى ۇسىنعان مالىمەتكە سايكەس, بارساكەلمەس قورىعىندا بورششوۆتىڭ قىزعالداقتارى گۇلدەگەن.
بورششوۆ قىزعالداقتارى – ورىس بوتانيگى يليا گريگورەۆيچ بورشوۆتىڭ اتىمەن اتالعان ارال ءوڭىرىنىڭ ەندەميكالىق وسىمدىگى. قىزعالداقتىڭ بۇل ءتۇرى بارساكەلمەس قورىعىندا كەزدەسەدى, ءساۋىر-مامىر ايلارىندا گۇلدەيدى, مامىر-ماۋسىم ايلارىندا جەمىس بەرەدى. جەمىسى – ءۇش جاسۋشالى كوپ تۇقىمدى بۇرشىك.
«الەمدە قىزعالداقتىڭ 3 مىڭنان استام ءتۇرى بار. ءبىزدىڭ ەلىمىزدە 35 ءتۇرى وسەدى, ونىڭ 18-ءى قازاقستاننىڭ قىزىل كىتابىنا ەنگەن. بورششوۆ قىزعالداعى دا ەرەكشە قورعالاتىن وسىمدىكتەردىڭ تىزىمىندە بار», دەلىنگەن كوميتەت تاراتقان حابارلامادا.
