جۋرناليستەر مينيستردەن قازاقستاندا ءسان-سالتانات سالىعىن تولەيتىن «باي ادامدى» انىقتاپ بەرۋدى سۇرادى.
- «باي ادام» ۇعىمى وتە گەتەروگەندى. ىبىراي التىنسارين: «قازاقتاردىڭ بايلىعى ەڭبەكتە جانە قاناعاتتا» دەگەن. بايلىقتى اقشامەن ولشەۋ قيىن. ءبىز باي ادامدار تۋرالى ەمەس, ءسان-سالتانات سالىعى تۋرالى ايتىپ وتىرمىز. ول ءسان-سالتانات سالىعى دەپ اتالمايتىن شىعار. بۇل قىمبات تاۋارلارعا سالىناتىن سالىقتى بىلدىرەدى. ونى حالىق تۇسىنىكتى بولۋ ءۇشىن ءسان-سالتانات سالىعى دەپ اتايدى. بۇل - قىمبات كولىكتەرگە, اۋە پاركىنە, ياحتالارعا, قىمبات اڭ تەرىسىنە, زەرگەرلىك بۇيىمدارعا, انتيكۆارياتقا سالىناتىن سالىق, - دەپ ءتۇسىندىردى الىبەك قۋانتىروۆ.
ەسكە سالا كەتسەك, الىبەك قۋانتىروۆ 2023 جىلدىڭ ءبىرىنشى توقسانىندا بەيىندى مەملەكەتتىك ورگاندار ءسان-سالتانات سالىعى تۋرالى نورمالاردى قامتيتىن جاڭا سالىق كودەكسىن ازىرلەۋ بويىنشا بەلسەندى جۇمىس ىستەۋدى جوسپارلاپ وتىرعانىن ايتقان ەدى. بۇعان دەيىن حابارلانعانداي, ءسان-سالتانات سالىعى 2024 جىلدان باستاپ ەنگىزىلۋى مۇمكىن.
