«ۇكىمەت پەن جەرگىلىكتى اتقارۋشى ورگانداردىڭ باستى مىندەتى – الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ. دەگەنمەن, ازىق-ت ۇلىك ينفلياتسياسى كەيبىر اكىمدىكتەردىڭ ءتيىمسىز جۇمىسىن كورسەتىپ وتىر», دەدى ءاليحان سمايىلوۆ.
ول وتكەن اپتادا (11-18 ءساۋىر ارالىعىندا) الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى 0,1%-عا وسكەنىن اتاپ ءوتتى. بۇل رەتتە اقتوبەدە, وسكەمەندە, سەمەيدە, قىزىلوردادا – 0,2%-تەن جوعارى بولدى.
ء«وڭىر اكىمدىكتەرى الەۋمەتتىك ماڭىزى بار ونىمدەر باعاسىنا مونيتورينگتى كۇشەيتۋى قاجەت. اسىرەسە, ۇستەمە باعالاردىڭ ءتيىستى 15%-دىق مولشەردەن اسىپ كەتپەۋىن قاداعالاۋ كەرەك. اكىمدىكتەردە بۇل ءۇشىن بارلىق مۇمكىندىكتەر بار», دەدى پرەمەر-مينيستر.
ول ىشكى نارىقتاعى وتاندىق تاۋارلاردىڭ ۇلەسىن ۇلعايتۋعا كۇش سالۋ, تاۋارلاردى ساقتاۋ جانە تاسىمالداۋ ىسىنە قولداۋ كورسەتۋ قاجەت ەكەنىن ايتتى.
«حالىق قابىلدانىپ جاتقان شارالاردىڭ ناقتى ناتيجەسىن كورۋى كەرەك», دەپ اتاپ ءوتتى ءاليحان سمايىلوۆ.
سونىمەن قاتار وڭىرلەردە فورۆاردتىق ساتىپ الۋ, تۇراقتاندىرۋ قورلارى, اينالىم سحەماسىن قولدانۋ, مونوپولياعا قارسى جانە ساۋداداعى رەتتەۋ شارالارىنىڭ ىسكە اسىرىلۋىن ەرەكشە باقىلاۋدا ۇستاۋ ماڭىزدى.
«جەرگىلىكتى جەرلەردە بيزنەسكە ازىق-ت ۇلىك تاۋارلارىنىڭ ءوندىرىسىن ۇلعايتۋعا, ساقتاۋ كولەمىن كەڭەيتۋگە, لوگيستيكاعا, وڭدەۋ ونەركاسىبىندەگى جوبالاردى ىسكە اسىرۋعا بارىنشا قولداۋ كورسەتۋ قاجەت», دەپ اتاپ ءوتتى ول.
ءسوز سوڭىندا پرەمەر-مينيستر كەشەندى ءىس-شارالاردىڭ ورىندالۋ بارىسىن ۇيلەستىرۋدى قامتاماسىز ەتۋ, سونداي-اق اي سايىن جاۋاپتى مەملەكەتتىك ورگاندارمەن بىرلەسىپ ونىڭ ىسكە اسىرىلۋ بارىسىن قاراستىرۋ جانە ءتيىستى شەشىمدەر قابىلداۋ قاجەت ەكەنىن ايتتى.
