سينوپتيكتەردىڭ بولجامىنا قاراعاندا, مامىر ايىندا قازاقستاننىڭ باسىم بولىگىندە جاۋىن-شاشىن نورمادان تومەن, ەلدىڭ سولتۇستىگىندە, شىعىسىندا جانە وڭتۇستىك-شىعىسىندا نورماعا جۋىق بولادى دەپ بولجانىپ وتىر.
جالپى, توپىراقتىڭ كوكتەمگى سۋلانۋىن جانە ناقتى ىلعال قورىن ەسكەرگەن سينوپتيكتەر مامىر ايىندا قۇرعاقشىلىق كۇتىلمەيتىنىن العا تارتتى.
«قازاقستاننىڭ باسىم ايماعىندا ىلعالدانۋ جاعدايى كوبىنەسە نورماعا جۋىق بولادى, ال جەكە اۋدانداردا ىلعالدانۋ جاعدايى وڭتايلى بولادى. وڭتايلى ىلعالدانۋ جاعدايلارى كوبىنەسە شىعىس قازاقستان جانە اباي وبلىستارىندا: تارباعاتاي, كۇرشىم, زىريانوۆسك, كاتونقاراعاي, شەمونايحا, بورودۋليحا, جارما, اياگوز, كوكپەكتى اۋداندارىندا جانە سەمەي قالاسىندا, سونداي-اق قوستاناي وبلىسىنىڭ قاراسۋ اۋدانىندا, اقمولا وبلىسىنىڭ اتباسار, ەگىندىكول جانە استراحان اۋداندارىندا, الماتى وبلىسىنىڭ تالعار, ەڭبەكشىقازاق اۋداندارىندا جانە الماتى جانە اقتوبە قالالارىندا بولۋى ىقتيمال», دەلىنگەن «قازگيدرومەت» حابارلاماسىندا.
