مينيستر جىل باسىنان بەرى ماۋسىمارالىق كەزەڭدە وتكىزۋ ءۇشىن كۇزگى جانە ەرتە پىسەتىن كوكونىستى فورۆاردتىق ساتىپ الۋ بولىگىندە تۇراقتاندىرۋ قورلارىنىڭ جۇمىسى قايتا فورماتتالعانىن اتاپ ءوتتى.
سونىمەن قاتار, قانت جانە ماي زاۋىتتارى سياقتى وڭدەۋ زاۋىتتارىنا شيكىزات ساتىپ الۋعا اينالىم قاراجاتى بەرىلەتىن بولادى. مەملەكەتتىك قولداۋ جانە ارزانداتىلعان استىقتى وتكىزۋ تەتىكتەرى ارقىلى قارجىلاندىرۋ ماسەلەسى جەكە پىسىقتالىپ جاتقانىن ايتتى.
ازىق-ت ۇلىك كورپوراتسياسىنىڭ 800 مىڭ توننا استىقتى فورۆاردتىق ساتىپ الۋى ءۇشىن جارعىلىق كاپيتالىن ۇلعايتۋعا رەسپۋبليكالىق بيۋدجەتتەن 70 ملرد تەڭگە ءبولۋ بويىنشا جۇمىس جۇرگىزىلىپ جاتىر.
كارتوپ, قىرىققابات, ءسابىز جانە پياز سياقتى ەرتە پىسەتىن كوكونىس ەگىستىك القاپتارى ۇلعايتىلدى. تۇراقتاندىرۋ قورلارىنىڭ جۇكتەمەسىن قامتاماسىز ەتۋ ءۇشىن ولاردىڭ جۇمىس ءپرينتسيپى قايتا قارالدى. ەندى اكىمدىكتەر ءوڭىردىڭ قاجەتتىلىگىن وڭىرلىك سۇرانىس نەگىزىندە حالىقتىڭ 3 ايلىق قاجەتتىلىگىنىڭ 50%-نا دەيىن ايقىندايدى. اكك اۋىل شارۋاشىلىعى تاۋارىن وندىرۋشىلەردەن ءونىمدى وتكىزۋ باستالعانعا دەيىن كوكونىستەردى ساقتاۋ شارتىمەن فورۆاردتىق ساتىپ الۋدى جۇزەگە اسىرادى.
«الەۋمەتتىك ماڭىزى بار ازىق-ت ۇلىك تاۋارلارىن وندىرۋشىلەر ءۇشىن «اينالىم سحەماسىن» قايتا فورماتتاۋ كوزدەلىپ وتىر. قارجىلاندىرۋدىڭ 70% فەرمەرلەر مەن وڭدەۋشى كاسىپورىندارعا بولىنەتىن بولادى. اشم-ءنىڭ ءتيىستى بۇيرىعى جاريا تالقىلاۋدان وتۋدە جانە سالالىق قاۋىمداستىقتارعا جولداندى», دەدى مينيستر.
ەربول قاراشوكەەۆ اۋىل حالقىنىڭ تابىسىن ارتتىرۋ جونىندەگى «اۋىل اماناتى» جوباسى باستالعانىن اتاپ ءوتتى. بيىل جوبا اياسىندا 100 ملرد تەڭگە ءبولۋ كوزدەلگەن, بۇل اۋىل تۇرعىندارىنا 2,5%-دىق 17 مىڭنان استام جەڭىلدىكتى شاعىن نەسيە بەرۋگە, سونداي-اق 18 مىڭنان استام جۇمىس ورنىن قۇرۋعا مۇمكىندىك بەرەدى.
ءمينيستردىڭ ايتۋىنشا, شاعىن نەسيەلەندىرۋدەن بولەك, اوك سالاسىنداعى ءىرى ينۆەستيتسيالىق جوبالاردى ىسكە اسىرۋ بويىنشا سقو-نىڭ تابىستى تاجىريبەسىن ەلىمىزدىڭ باسقا وڭىرلەرىندە ەنگىزۋ كوزدەلگەن. 100 ملرد تەڭگەگە جىلدىق 2,5%-بەن ءسۇت-تاۋار فەرمالارىنىڭ قۇرىلىسى قارجىلاندىرىلادى. الداعى ۋاقىتتا ينۆەستپۋلدى ۇلعايتۋ جانە وعان قۇس ەتىن وندىرەتىن كاسىپورىنداردى, قارقىندى سۋارۋ جوبالارى, كوكونىس قويمالارى مەن بالىق زاۋىتتارىن قوسۋ جوسپارلانىپ وتىر.
«2026 جىلعا دەيىن 900-گە جۋىق جاڭا ينۆەستيتسيالىق جوبا پايدا بولادى. جاڭا ينۆەستيتسيالىق جوبالاردى ىسكە اسىرۋ نەگىزگى ازىق-ت ۇلىك تاۋارلارى بويىنشا يمپورتتى الماستىرۋ ماسەلەسىن شەشۋگە ىقپال ەتەدى. تەك 2023 جىلى قۇنى 536,2 ملرد تەڭگە بولاتىن 291 كاسىپورىن اشۋ جوسپارلانعان, ونىڭ ىشىندە ازىق-ت ۇلىك ءوندىرىسى, مال شارۋاشىلىعى جانە وسىمدىك شارۋاشىلىعى كومپانيالارى بار», دەپ تولىقتىردى اشم باسشىسى.
