ەكولوگيا مينيسترلىگىنە اتالعان ماسەلەنى شەشۋگە حالىقارالىق تاجىريبەنى ەسكەرە وتىرىپ قاراۋ جانە زاڭناماعا ءتيىستى تۇزەتۋلەر ازىرلەۋ تاپسىرىلدى.
19 ساۋىردە ەلىمىزدىڭ الەۋمەتتىك-ەكونوميكالىق دامۋىنا ارنالعان جيىندا مەملەكەت باسشىسى بۇل ماسەلەگە توقتالىپ, وسى بويىنشا ۇنەمى ارىز-شاعىمدار ءتۇسىپ جاتقانىن اتاپ ءوتتى.
«ماعان بارلىق وبلىستاردان قاڭعىباس يتتەر تۋرالى ارىز-شاعىمدار كەلىپ تۇسەدى, ونىمەن قۇزىرلى ورگانداردىڭ ەشقايسىسى اينالىسپايدى, بارلىعى ءتيىستى زاڭعا سۇيەنەدى. بىراق وسى جولمەن جۇرسەك, جاعدايدى باقىلاۋدان شىعارىپ الۋىمىز مۇمكىن. ءيا, جانۋارلارعا قامقورلىق جاساۋ كەرەك. بىراق ولاردىڭ ادامدارعا, اسىرەسە بالالارعا قاتىستى اگرەسسياسىنا جول بەرۋگە بولمايدى. ال قاڭعىباس يتتەردىڭ شابۋىلىنان زارداپ شەككەندەردىڭ سانى ارتىپ كەلەدى. بۇعان جول بەرۋگە بولمايدى. شارا قابىلداڭىزدار», دەگەن ەدى مەملەكەت باسشىسى.
