سۋرەت: ranking.kz
قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ (قر بپ قس اەك) مالىمەتىنشە, 2022 جىلى سۋيتسيدتەن قايتىس بولعاندار سانى 4 مىڭنان 3,7 مىڭعا دەيىن ازايدى.
2023 جىلدىڭ قاڭتار-اقپان ايلارىندا 526 قازاقستاندىق وزىنە قول جۇمساعان, بۇل بىلتىرعى سايكەس كەزەڭمەن سالىستىرعاندا 5%-عا از.
ستاتيستيكاعا كوز جۇگىرتسەك, سۋيتسيدكە كوبىنەسە ەر ادامدار بەيىم ەكەنىن بايقاۋعا بولادى. سۋيتسيدتەن قايتىس بولعانداردىڭ 78,9%-ى ەر ادامدار: 2,9 مىڭ, قالعان 770-ءى ايەل.
بۇل رەتتە, وتاندىق باق-تا جاسوسپىرىمدەردىڭ ءوز-وزىنە قول جۇمساۋى تاقىرىبى ءجيى قوزعالاتىنىن ايتا كەتۋ كەرەك. سونىمەن قاتار, ەڭ وسال جاس توبى, ستاتيستيكا بويىنشا, ورتا جاستاعى ادامدار — 30-دان 54 جاسقا دەيىن. سۋيتسيدتەن قايتىس بولعانداردىڭ جالپى ستاتيستيكاسىندا وسى ساناتتىڭ ۇلەسى 54,9%. ەكىنشى ورىندا ەگدە جاستاعى ادامدار: ءاربىر ءتورتىنشى ءسۋيتسيدتى (23,5%) 55 جاستان اسقان قازاقستاندىقتار جاساعان.
وزىنە قول جۇمساپ قايتىس بولعاندار ىشىندە 18 بەن 29 جاس ارالىعىنداعى جاستاردىڭ ۇلەسى 17,3%-دى قۇرادى, ال وسى جاس توبىنىڭ وزىنە-ءوزى قول جۇمساۋ ارەكەتتەرى ستاتيستيكاسىنداعى ۇلەسى ءسال عانا جوعارى بولدى: 18,8%. ءدال وسىنداي ءۇردىس بالالار مەن جاسوسپىرىمدەردىڭ ءوز-وزىنە قول جۇمساۋ دەرەكتەرىنەن دە بايقاۋعا بولادى: ءوز-وزىنە قول جۇمساۋعا ارەكەتتەنگەندەردىڭ ۇلەسى ءىس جۇزىندە قايتىس بولعانداردىڭ ۇلەسىنەن جوعارى: تيىسىنشە 5% جانە 4,3%.
