كەڭەسكە قاتىسۋشىلار پەرسپەكتيۆالى گاز جانە گاز كوندەنساتى كەن ورىندارىن يگەرۋ, ونەركاسىپتىك كاسىپورىنداردى وتىنمەن قامتاماسىز ەتۋ شارالارى, شيكىزاتتى تاسىمالداۋ ءۇشىن تەمىرجول ينفراقۇرىلىمىن دامىتۋ جانە باسقا دا بىرقاتار وزەكتى ماسەلەنى قارادى.
سونىمەن قاتار كەڭەستە قىس مەزگىلىندە حالىقتى كومىرمەن قامتاماسىز ەتۋ ماسەلەسى جان-جاقتى تالقىلاندى.
پرەمەر-مينيستر وتكەن جىلىتۋ ماۋسىمداعى تاجىريبەگە سۇيەنە جانە تسيفرلىق شەشىمدەردى پايدالانا وتىرىپ, وتىندى ساتۋدىڭ اشىق نارىقتىق مەحانيزمىن ازىرلەۋ قاجەتتىگىن ايتتى. بۇل ءتاسىل ساۋدا-ساتتىقتى رەتتەۋگە, كومىردى تۇتىنۋشىلار اراسىندا بىركەلكى ءبولىنۋىن قامتاماسىز ەتۋگە جانە سۇرانىس ارتقان كەزەڭدە باعانىڭ نەگىزسىز كوتەرىلۋىنە جول بەرمەيدى.
كەڭەسكە ورتالىق مەملەكەتتىك ورگانداردىڭ, «قازاقستان تەمىر جولى» جانە «QazaqGaz» ۇلتتىق كومپانيالارىنىڭ, سونداي-اق ERG كومپانياسىنىڭ باسشىلارى قاتىستى.
