اكىمشىلىكتىڭ مالىمەتتەردى جەدەل جيناپ, ۇسىنىس بەرەتىنى تۇسىنىكتى. وكىنىشكە قاراي, پرەزيدەنتتىڭ كەي تاپسىرمالارىنىڭ ورىندالماۋ نە بولماسا قاعاز جۇزىندە عانا ورىندالۋ ءۇردىسى بار. پروبلەمالى فاكتورلار دا ورىن الىپ جاتىر: ءبىر جاعىنان قولايسىز كونيۋنكتۋرا, ەكىنشى جاعىنان اتقامىنەرلىكتىڭ ءداستۇرلى ىرىتكىسى. مەملەكەت باسشىسىنىڭ ۇكىمەتتىڭ نە بولماسا مينيسترلىكتەردىڭ سىلاپ-سيپاعان تسيفرلارىنا قاراماستان قانداي مىندەتتەرگە ءجىتى نازار اۋدارۋ قاجەتتىگىن ەسكە سالىپ وتىرۋى ءۇشىن «قولمەن» باسقارۋ رەجىمىنە بارۋعا ءماجبۇر ەكەنى تۇسىنىكتى. پرەزيدەنتتە شەنەۋنىكتەر تولىققاندى جانە جاريا ەتۋگە ق ۇلىقتى ەمەس اسپەكتىلەردى قامتيتىن اقپارات بار. مەملەكەت باسشىسى حالىقپەن كەرى بايلانىس ماسەلەسىنە دە ءجىتى نازار اۋدارىپ وتىر.
پرەزيدەنتتىڭ قاتىسۋىمەن وتكەن كەڭەسكە بارلىق دەڭگەيدەگى ءماسليحات دەپۋتاتتارىنىڭ شاقىرىلۋى جايدان-جاي ەمەس. ءماسليحات – حالىق پەن جەرگىلىكتى دەڭگەيدەگى مەملەكەتتىڭ ءوزارا ءىس-قيمىلىنىڭ ءبىرىنشى نەگىزگى جولى. كەيىنگى جىلدارى ءماسليحاتتاردىڭ ديالوگ جۇيەسىنەن سىرت قالعانىن كورىپ وتىرمىز. سايلاۋ وتكەننەن كەيىن ولاردى ۇمىتاتىن ەدىك جانە ءماسليحاتتىڭ تىڭداۋ وتكىزۋى نەمەسە اكىمدىكتەردىڭ جۇمىسىن باقىلاعانى ايرىقشا بىلىنە بەرمەيتىن. سوندىقتان دا وتكەن جىلى ساياسي كونستيتۋتسيالىق رەفورما اياسىندا ءماسليحاتتى جاساقتاۋ ءتارتىبى وزگەردى, ولاردىڭ وكىلەتتىگى كەڭەيدى. بۇگىندە ماسليحاتقا ۇلكەن ماسەلەلەر تاۋەلدى: سول سەبەپتى دە ولار اكىمدىك شەشىمدەرىن ماقۇلدايتىن فيليال ەمەس, ولاردىڭ جەرگىلىكتى جەردە شەشىلۋ جولدارىن وزەكتەندىرەتىن جانە باقىلايتىن ورگانعا اينالۋعا ءتيىس. پرەزيدەنت تە كەڭەسكە جينالعان ءماسليحات وكىلدەرىنە ولاردىڭ ءبىرىنشى كەزەكتەگى مىندەتى جەرگىلىكتى تۇرعىنداردىڭ مۇددەسىن قورعاۋ ەكەندىگىن, جەڭىل-جەلپى تانىمالدىققا بوي الدىرماۋ كەرەكتىگىن ايتتى.
دانيار اشىمباەۆ,
ساياساتتانۋشى
