كەنشىلەردىڭ «قورعاۋ» كاسىپوداعىنىڭ توراعاسى ەۆگەني بۋسلاەۆ مۇنداي پىكىر الماسۋ الاڭىنىڭ تيىمدىلىگىن اتايدى. ايماق باسشىسىنىڭ توراعالىعىمەن وتەتىن بۇل كەڭەس ەكى جىل كولەمىندە جۇمىس ىستەپ كەلەدى. وسى ارالىقتا كەنشىلەر مەن مەتاللۋرگتەرگە جەڭىلدەتىلگەن باسپانا الۋعا نەسيە بەرىلەتىن ءبىر بايلام جاسالدى. بۇدان بولەك, وزگە دە الەۋمەتتىك جاعدايلار ءتۇيىنى بىرجاقتى بولدى.
– بۇل فورماتتاعى كەلىسىم كوميسسياسى ءوڭىر باسشىسىنىڭ توراعالىعىمەن جۇمىس ءجۇرىپ جاتىر. اۋەلىدە كەنشىلەر كومپانياعا 12 ماسەلەنى شەشۋگە تالاپ قويدى, كەيىن جۇمىس بارىسىندا وعان قوسىمشا تۋىندادى.
دەگەنمەن بۇگىندە كوپشىلىگى وڭ شەشىمىن تاپقانىن اتاپ وتكەن ءجون. ەندىگى كەزەكتە كومىر كاسىپورىندارىن دامىتۋعا, جابدىقتى جاڭارتۋعا ينۆەستيتسيا قۇيۋعا قاتىستى ءىرى جۇيەلىك ماسەلەلەر قالدى.
باستى ماسەلە – كەنشىلەردىڭ زەينەت جاسىن تومەندەتۋ. بۇل كەڭەستەگى ماقسات – تاراپتار اراسىندا ديالوگ ورناتۋ. تەك وسىنداي تىعىز بايلانىس ارقىلى عانا ءبىز ماسەلەلەردى وڭتايلى شەشەمىز. سونىڭ ناتيجەسىندە ۇجىمداردا تۇراقتى الەۋمەتتىك جاعداي ورنايدى, – دەيدى ەۆگەني بۋسلاەۆ.
كاسىپوداق توراعاسىنىڭ ايتۋىنشا, بۇل كۇنى كادر تاپشىلىعىن ءتيىمدى شەشۋدە ىلگەرىلەۋ بار. كومپانيا جاڭا جۇمىس كۇشىن الۋعا ىنتالى. بىراق مامان تولىقتى دەۋگە ءالى ەرتە. سول سەبەپتى بۇل ماسەلە دە كۇن تارتىبىندە تۇر. كەنشى دەنساۋلىعىنا قاتىستى ساۋىقتىرۋ دا وزەكتىلىگىن جويماعان.
كەنشىلەردىڭ باسپانا الۋىنا جەڭىلدەتىلگەن نەسيە بەرۋدىڭ ەكىنشى كەزەڭى باستالادى. «وتباسى بانكى» وبلىستىق فيليالىنىڭ ديرەكتورى باۋىرجان جۋاسپاي بۇل ماقساتقا 1,5 ملرد تەڭگە قاراستىرىلعانىن ايتادى. ونىڭ 1 ملرد تەڭگەسى وبلىستىق بيۋدجەتتەن بولىنسە, 500 ملن تەڭگەسىن بانك بەرەدى.
وبلىس اكىمى ەرماعانبەت بولەكپاەۆ كومپانيانىڭ دا بۇل باعىتتا قالىس قالماۋى قاجەتتىگىن اتادى.
– جۇمىسشىلارىڭىزعا كومەك بەرۋ ءۇشىن بۇل باعدارلامادان سىزدەر دە قالىس قالماڭىزدار. اتالعان باعدارلاماعا ءوز ۇلەستەرىڭىزدى قوسىڭىزدار. سوندا باعدارلامانىڭ شاراپاتىن كوپتەگەن وتباسى كورۋگە مۇمكىندىك مولايادى, – دەدى ەرماعانبەت بولەكپاەۆ.
جالپى, مۇنداي كەلىسىم كوميسسياسى ۇدايى كەزدەسىپ, ماسەلەلەردى تالقىلاپ كەلەدى. ايماقتا بۇل جۇيەلى جولعا قويىلعان.
قاراعاندى
