«14 جانە 17 ساۋىردە شەكارا قىزمەتىنىڭ جامبىل وبلىسى بويىنشا دەپارتامەنتىنىڭ اقسۋ جانە كەڭەس شەكارا بولىمشەلەرىنىڭ ۋچاسكەلەرىندە مەملەكەتتىك شەكارانى بۇزعان قىرعىزستاننىڭ ءۇش ازاماتى ۇستالدى. ۇستالعاندارعا قاتىستى تەكسەرۋ شارالارى جۇرگىزىلىپ جاتىر», دەلىنگەن ۇقك شەكارا قىزمەتىنىڭ حابارلاماسىندا.
سونىمەن قاتار 14 ساۋىردە جامبىل وبلىسىنداعى «سىپاتاي باتىر» اۆتوموبيل وتكىزۋ بەكەتىندە شەكاراشىلار قىرعىزستاننان قازاقستانعا تەمەكى ونىمدەرىنىڭ ءىرى پارتياسىن – 20 160 قوراپ تەمەكىنى زاڭسىز اكەلۋ ارەكەتىن توقتاتتى. تاۋاردىڭ الدىن الا سمەتالىق قۇنى شامامەن 5,4 ميلليون تەڭگەنى قۇرايدى.
انىقتالعان جۇك پروتسەسسۋالدىق شەشىم قابىلداۋ ءۇشىن مەركى اۋداندىق مەملەكەتتىك كىرىستەر باسقارماسىنا بەرىلدى.
