بۇل – مەملەكەت دامۋىندا, ەلدىڭ ءال-اۋقاتىن كوتەرۋدە ماڭىزدى ءرول اتقاراتىن ادىلەتتى قادام. ويتكەنى مونوپوليزم ‒ حالىقتىڭ الەۋمەتتىك جاعدايىن السىرەتەتىن, كاسىپكەرلەردى اياقتان شالاتىن, بيزنەس سالاسىنىڭ ءىرى بولىگىن ءبىر عانا تۇلعانىڭ بيلەپ-توستەۋىنە اكەلەتىن جاعىمسىز قۇبىلىس. ەكونوميكانىڭ بەلگىلى ءبىر سالاسىن ۋىسىندا ۇستاپ وتىرعاندار قولداعى مايلى شەلپەكتەن ايىرىلعىسى كەلمەيدى, ال نەسىبەدەن قاعىلعان قاراپايىم حالىققا ونىڭ ءدامىن تاتۋ دا ارمان.
ەلىمىزدە مونوپولياعا قارسى كۇرەس تۋرالى زاڭ بار بولسا دا, ونىڭ ءىس جۇزىندە ورىندالۋى ءمانسىز بولىپ تۇر. سوندىقتان جاڭا پارلامەنت بۇل زاڭدى زامان تالابىنا ساي, ءوز دەڭگەيىندە جۇمىس ىستەي الاتىنداي ءتيىستى تەتىكتەرمەن تولىقتىرىپ, قايتا قاراۋى قاجەت. قۇجات ادال باسەكەلەستىكتى, الەۋمەتتىك تەڭدىكتى قامتاماسىز ەتەتىن مازمۇندا بولىپ, مەملەكەتكە, حالىققا جۇمىس ىستەۋى كەرەك. سونىمەن بىرگە مونوپولياعا قارسى كۇرەسپەن اينالىساتىن مەملەكەتتىك ورگاننىڭ وكىلەتتىگى ناقتى بەلگىلەنگەنى ماڭىزدى. ءوز كەزەگىندە جاۋاپتى ورگان اتقارىپ جاتقان جۇمىسى, ءىس-شارالار ناتيجەسى بويىنشا تۇراقتى ەسەپ بەرىپ وتىرۋى كەرەك.
روزا ءومىرتاي,
نارحوز ۋنيۆەرسيتەتىنىڭ پروفەسسورى, زاڭ عىلىمدارىنىڭ كانديداتى
