فوتو: www.aa.com.tr
بۇل قاعيدانى (ويدى) الىپساتارلارعا الداعى بىرنەشە عاسىر شەڭبەرىندە ۇقتىرىپ تاستاعان جاقسى بولار ەدى. ولارعا ەكونوميكانى دامىتپاي, جەرگىلىكتى قوسىلعان قۇندى وسىرمەي ءبىز الەمنەن ارتتا قالا بەرەتىنىمىزدى ءتۇسىندىرۋ كەرەك. دەگراداتسياعا ۇشىرايمىز. ءتىپتى ءبىر كۇندەرى مەملەكەتىمىزدىڭ ومىرشەڭدىگىنە قاتىستى ماسەلە تۋىنداۋى مۇمكىن. بۇل سۇراقتى ەل ازاماتتارىنىڭ ءوزى دە قويا باستايدى. سوندىقتان بىلەكتى سىبانىپ, زاماناۋي يندۋستريالدى ەكونوميكا قۇرۋعا كىرىسەتىن ۋاقىت كەلدى. تيىسىنشە وزگە جوبالار وسىعان باعدارلانعانى ءجون.
ءوز-ءوزىن قامتاماسىز ەتە الاتىن ەكونوميكا قۇرىلمايىنشا, ساپالى ءبىلىم دە, الەۋمەتتىك قامسىزداندىرۋ دا, دەنساۋلىق ساقتاۋ دا بولمايدى. جۇيەنى تولىقتاي قامتۋعا قابىلەتسىز پوپۋليزم قاراپايىم حالىقتىڭ جاقسى ءومىر سۇرۋگە دەگەن ۇمتىلىسىنا نۇقسان كەلتىرەدى.
پرەزيدەنت تالانتتى, تابىستى بيزنەسمەندەرگە ارنالعان «ليفت» تۋرالى دا ايتتى. جاقىن ارادا بيزنەسمەندەردىڭ ءبىرىن اكىم نەمەسە مينيستر كرەسلوسىنان كورىپ قالۋىمىز مۇمكىن بە؟ كەلىپ, سالانى شەنەۋنىكتىك بيۋروكراتيادان ارىلتىپ, بيزنەس-ۇدەرىستەردى جولعا قويىپ, رەتتەيتىن شىعار, بالكىم.
