جامبىل وبلىسى: بەلگىلەنگەن قۇننان اسپاۋعا ءتيىس

ۇكىمەت باسشىسى ءوز سوزىندە قازاقستان جا­نار­مايىنىڭ كورشى مەملەكەتتەرگە ترانزيتتىك كولىك­تەرمەن جانە «سۇر» ەكسپورت تۇرىندە تاسى­مالدانۋىن باستى سەبەپ رەتىندە اتاعان ەدى.

ەنەرگەتيكا مينيسترلىگىنىڭ 12 ساۋىردەگى №140 بۇيرىعىنا سايكەس جانار-جاعارمايدىڭ شەك­تىك باعاسى بەكىتىلدى. وبلىس اكىمدىگى ەنەر­گە­تيكا جانە تۇرعىن ءۇي-كوممۋنالدىق شارۋا­شىلىق باسقارماسىنىڭ باسشىسى قۇدايبەرگەن قورعانباەۆتىڭ ايتۋىنشا, اي-92 جانە اي-93 ماركا­لى بەنزين باعاسى وڭىردە 205 تەڭگە بولىپ بەكىگەن.

«اي-92 جانە اي-93 ماركالى بەنزيننىڭ باعاسى ليترىنە 205 تەڭگە بولىپ بەكىتىلىپ وتىر. ال ديزەل وتىنىنىڭ (جازعى, ماۋسىمارالىق) ءليترى 450 تەڭگەدەن وتكەرىلمەك.

ناقتىراق ايتار بولساق, قازاقستان رەس­پۋبليكاسىنىڭ قۇزىرلى ورىندارىمەن بەرىلگەن جۇرگىزۋشى كۋالىگىن كورسەتكەن ازاماتقا تاۋلىگىنە 100 ليترگە دەيىنگى كولەمدە  1 ليتر ءۇشىن 295 تەڭگەمەن ساتۋ كوزدەلسە, جۇك كولىگى, ارنايى جانە مامانداندىرىلعان اۆتوموبيلدەر مەن اۆتوبۋستارعا تاۋلىگىنە 300 ليترگە دەيىنگى كولەم­دە 1 ليتر ءۇشىن 295 تەڭگەمەن ساتۋ تۋرالى شەشىم قابىلدانعان», دەيدى باسقارما باسشىسى.

ق.قورعانباەۆ كەلتىرگەن دەرەكتەرگە كوز جۇگىرتسەك, وڭىردەگى ءاربىر جانارماي قۇيۋ بەكەت­تەرىنىڭ يەلەرى جەكە كاسىپكەر سۋبەكتىسى رەتىندە وزدەرى ساتاتىن جانارماي باعاسىن شەكتى دەڭگەيدەن اسپايتىن باعادا ناقتىلاۋعا مىندەتتى. ال جانارماي قۇيۋ بەكەتتەرىندە باعا بەلگىلەنگەن شەكتى مەجەدەن اسقان جاعدايدا تۇرعىندار تابيعي مونوپوليالاردى رەتتەۋ كوميتەتىنىڭ وڭىرلىك دەپارتامەنتىنە حابارلاسىپ, شاعىمدانا الادى.