ەنەرگەتيكا مينيسترلىگىنىڭ بۇيرىعىنا سايكەس اي-92 جانە اي-93 ماركالى جانارمايدىڭ ءبىر ءليترى – 205 تەڭگەگە دەيىن, ال ديزەل وتىنى – 295 تەڭگەگە دەيىن ساۋدالانۋعا ءتيىس دەسەك, قاراعاندى وبلىسىنداعى جانارماي بەكەتتەرى وسى شەكتە. بارلىق دەرلىك جانارماي بەكەتتەرىندە كوتەرىلگەن باعا بىرقالىپتى.
ماسەلەن, Sinooil جانارماي بەكەتتەرىندە اي-92 ءليترى – 205 تەڭگە, اي-95 – 215 تەڭگە. ءدال وسىنداي باعا Helios جانارماي قۇيۋ ستانسالارىندا. ياعني 205 تەڭگەدەن. اتاپ ايتقاندا, اي- 92 – 205 تەڭگە, اي-95 – 215 تەڭگە. ديزەل – 295 تەڭگە.
Gazoil جانارماي ستانسالارىندا باعا ازىرگە وسكەن جوق. مەنەدجەرلەردىڭ مالىمدەۋىنشە, اي-92-ءنىڭ ءليترى – 181 تەڭگە, اي-95 – 212 تەڭگە. وزگە دە ۇساق جانارماي بەكەتتەردەگى باعا دا بەكىتىلگەن پرايس كولەمىندە.
ال اۋىل شارۋاشىلىعى باسقارماسىنىڭ مالىمەتىنشە, شارۋاشىلىقتارعا ديزەل اقپان ايىندا 206 تەڭگەدەن جەتكىزىلسە, ءساۋىر, مامىر, ماۋسىم ايىندا 210 تەڭگەدەن تاسىمالدانباقشى.
– كوكتەمگى ەگىس ناۋقانىنا بولىنگەن ديزەل شارۋالارعا تاسىمالداۋشى وپەراتور ارقىلى («Retail Trade Oil» جشس) پاۆلودار مۇناي وڭدەۋ زاۋىتىنان كەستەگە سايكەس جەتكىزىلۋدە. بۇگىندە اقپان-ءساۋىر ايلارىنا بولىنگەن 12 مىڭ تونناعا قارجى وپەراتور تاراپىنان تولىق تولەنىپ, 6 مىڭ تونناسى تاسىلىپ الىندى. 9 مىڭ 225 توننانى جەتكىزۋگە 252 شارۋاشىلىقپەن شارت جاسالدى, دەيدى باسقارما باسشىسى اسقار ساناۋباروۆ.
جالپى, قاراعاندى شارۋالارىنا قاجەتتى ديزەلدىڭ تەحنولوگيالىق كارتاعا سايكەس كولەمى 20 مىڭ توننادان اسادى ەكەن.
