قازيەۆتىڭ ايتۋىنشا, تۇرلىحانوۆتىڭ ۇلى اسكەري قىزمەتكەر بولعاندىقتان بۇل قىلمىستىق ءىستى اسكەري پروكۋراتۋرا قاداعالاعان. قازىر ول اياقتالىپ, سوت قاراۋىندا جاتىر.
«ول (تۇرلىحانوۆتىڭ ۇلى) مەرزىمدى اسكەري قىزمەتشى. ول بۇل قىلمىس تىركەلگەن كەزدە ەڭبەك دەمالىسىندا بولعان», دەدى باس اسكەري پروكۋروردىڭ ءبىرىنشى ورىنباسارى.
قازيەۆ كىشى تۇرلىحانوۆتىڭ كىناسى سوت ارقىلى دالەلدەنسە, قىزمەت ەتكەن بولىمشەنىڭ كومانديرى دە جاۋاپتى بولاتىنىن قوسا ايتتى.
«زاڭدا بەلگىلەنگەن ءتيىستى ءتارتىپ بويىنشا كوماندير دە جازاسىن الادى», دەپ ويىن اياقتادى سپيكەر.
