وتكەن دەمالىس كۇندەرى الماتىنىڭ مەدەۋ اۋدانىندا ورنالاسقان تۇنگى كلۋبتاردىڭ بىرىندە پوليتسيانىڭ ارنايى جاساعى مەن ەققكب-نىڭ جەدەل قىزمەتكەرلەرى ارنايى ءىس-شارا جۇرگىزدى. ونى قالالىق پروكۋراتۋرا «ەسىرتكى بيزنەسىمەن كۇرەس» جوباسى اياسىندا ۇيلەستىردى.
«تۇنگى ساعات 2-دە تۇنگى كلۋبتا 19 جاستاعى ت. ەسىمدى ازامات ۇستالدى, ونىڭ شالبارىنىڭ وڭ قالتاسىنان كوك يزولەنتاعا ورالعان, سينتەتيكالىق زات سالىنعان ءۇش بۋما تابىلدى. جۇمىس نۇسقالارىنىڭ بىرىنە سايكەس, بۇل مەفەدرون پسيحواكتيۆتى زاتى. ەسىرتكىنىڭ ناقتى تيەسىلىگىن انىقتاۋ ءۇشىن سوت-حيميالىق ساراپتاما تاعايىندالدى. ۇستالعان ازامات قر قپك-ءنىڭ 128-بابىنا سايكەس ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ قر قك-ءنىڭ 297-بابى 1-بولىگى بويىنشا جۇرگىزىلىپ جاتىر», دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
قر قپك-ءنىڭ 201-بابىنا سايكەس تەرگەۋ مۇددەسىن كوزدەيتىن وزگە دە مالىمەتتەر جاريا ەتۋگە جاتپايدى.
