«قۇتقارۋشىلار ۇيىندىلەردەن تاعى ءۇش ادامدى الىپ شىقتى: ەر ادام, ايەل ادام جانە ءبىر بالا. قازىرگى جاعداي بويىنشا قۇتقارۋشىلار ۇيىندىلەردىڭ استىنان 4 امان قالعان ادام جانە 3 ادامنىڭ ءمايىتىن الىپ شىقتى», دەلىنگەن تجم حابارلاماسىندا.
ۆەدومستۆو مالىمەتىنشە, قۇتقارىلعانداردى جانە مەديتسينالىق كومەككە جۇگىنگەندەردى قوسقاندا بارلىعى 8 ادام اۋرۋحاناعا جاتقىزىلعان.
ۇيىندىلەردى تالداۋ بويىنشا جەدەل جۇمىستارعا 40-قا جۋىق تەحنيكا مەن 350-گە جۋىق ادام جۇمىلدىرىلدى.
ەسكە سالايىق, 17 ءساۋىر كۇنى تاڭعى بەستەر شاماسىندا جاڭاوزەندەگى ەكى پودەزدى 12 پاتەرلى تۇرعىن ۇيدە گاز باللونى جارىلعان بولاتىن. ءبىر كىرەبەرىس قۇلاعاندا 11 ادام زارداپ شەكتى.
كەيىنىرەك جاڭاوزەندەگى جارىلىسقا بايلانىستى جەدەل شتاب قۇرىلىپ, جەدەل جەلى تەلەفونى اشىلدى 8/7292/31-90-99.
«قازمۇنايگاز» جاڭاوزەندەگى توتەنشە جاعداي سالدارىنان باسپاناسىز قالعان تۇرعىندارعا جاڭا پاتەر بەرەتىنىن حابارلادى.
