«تاۋلىك ىشىندە استانا جولدارىندا 144 جول-كولىك وقيعاسى تىركەلىپ, ونىڭ سالدارىنان ەكى ازامات زارداپ شەكتى. جول-كولىك وقيعالارى اۋا رايى مەن كوكتايعاق ەسكەرىلمەي, جىلدامدىقتى, ينتەرۆالدى جانە قاۋىپسىز قاشىقتىقتى ساقتاماۋ سالدارىنان ورىن الادى. جول-كولىك وقيعاسىنا قاتىسۋشىلاردىڭ بارلىعى جازعى دوڭگەلەكتەرمەن كەلە جاتقان», دەدى ۆەدومستۆونىڭ ءباسپاسوز قىزمەتى.
اۋا رايىنىڭ ناشارلاۋىنا بايلانىستى كوممۋنالدىق قىزمەت قار تازالاعىشتاردى پايدالاندى.
«جۇرگىزۋشىلەردى اباي بولۋعا جانە جول بويىنا كولىكتەردى قويماۋعا, قوعامدىق كولىكتەردىڭ قوزعالىسىنا كەدەرگى جاساماۋعا جانە قار تازالاعىشتاردىڭ جۇمىسىنا كەدەرگى جاساماۋعا شاقىرامىز. ەلوردا تۇرعىندارى مەن قوناقتارىنان ءوتىپ جاتقان شارالارعا تۇسىنىستىكپەن قاراۋدى سۇرايمىز. پوليتسەيلەر بارىنشا كومەك كورسەتەدى, تاۋلىك بويى, ونىڭ ىشىندە قاۋىپتى ايماقتاردا دا قىزمەت كورسەتەدى», دەپ ەسكەرتتى پوليتسەيلەر.
سونداي-اق ازاماتتاردى قالا سىرتىنا شىقپاۋعا جانە ەنگىزىلگەن كولىك قوزعالىسىنا شەكتەۋلەردى قاداعالاۋعا شاقىردى. قار قالىڭ جاۋىپ, قار ۇيىندىلەرىنەن جول بەلگىلەرى كورىنبەيدى. جۇرگىزۋشىلەرگە بەلگىلەردى كەسىپ وتكەنى ءۇشىن ايىپپۇل سالىنبايدى دەپ ۋادە بەردى.
ەسكە سالايىق, استانادا قالىڭ قار جاۋىپ, جەل سوعۋىنا بايلانىستى ەسكەرتۋ جاريالانعان بولاتىن. قوعامدىق كولىكتەردە كىدىرىس بار. رەسپۋبليكالىق اۆتوجولداردىڭ 15 ۋچاسكەسى جابىلدى. مەكتەپ وقۋشىلارى قاشىقتان وقىتۋعا كوشتى.
